ഓസീസ് ബാറ്റിംഗ് സെന്‍സേഷന്‍ മാക്‌സ്‌വെല്‍ വിവാഹിതനാവുന്നു; ക്ഷണക്കത്ത് തമിഴില്‍
സ്പോര്‍ട്സ് ഡെസ്‌ക്
Sunday, 13th February 2022, 12:20 pm
ഓസ്‌ട്രേലിയന്‍ വെടിക്കെട്ട് താരം ഗ്ലെന്‍ മാക്‌സ്‌വെല്‍ വിവാഹിതനാവുന്നു. തമിഴ്‌നാട് സ്വദേശിനി വിനി രാമനാണ് വധു. മാര്‍ച്ച് 27നാണ് വിവാഹം നിശ്ചയിച്ചിരിക്കുന്നത്.
ഇരുവരുടെയും വിവാഹ ക്ഷണക്കത്താണ് ക്രിക്കറ്റ് ലോകത്തിലെയും സോഷ്യല്‍ മീഡിയയിലെയും പ്രധാന ചര്‍ച്ചാ വിഷയം. തമിഴില്‍ അച്ചടിച്ച ക്ഷണക്കത്ത് ഇതിനോടകം തന്നെ സോഷ്യല്‍ മീഡിയയില്‍ വൈറലായിരിക്കുകയാണ്.
ഓസ്ട്രേലിയയില്‍ ഫാര്‍മസിസ്റ്റാണ് വിനി രാമന്‍. ഇരുവരും തമ്മിലുള്ള വിവാഹ നിശ്ചയം 2020 മാര്‍ച്ചില്‍ കഴിഞ്ഞതാണ്. കൊവിഡ് വ്യാപനത്തിന്റെ പശ്ചാത്തലത്തില്‍ പലതവണ മാറ്റിവച്ച വിവാഹമാണ് ഇപ്പോള്‍ നടത്താന്‍ നിശ്ചയിച്ചിരിക്കുന്നത്.
2017ലാണ് മാക്‌സ്‌വെല്‍ വിനിയും തമ്മില്‍ പ്രണയത്തിലാകുന്നത്. അന്നുമുതല്‍ ഇരുവരും ഒന്നിച്ചുള്ള ചിത്രങ്ങള്‍ സോഷ്യല്‍ മീഡിയയില്‍ പ്രത്യക്ഷപ്പെട്ടിരുന്നു.
