കൊച്ചി: കേരളത്തിലെ മാധ്യമക്കൂട്ടായ്മയും വ്യാപാരി കൂട്ടായ്മയും സംയുക്തമായി സംഘടിപ്പിച്ച ഗ്രേറ്റ് കേരള ഷോപ്പിംങ്ങ് ഉത്സവത്തിലെ മെഗാ സമ്മാനമായ ഒരു കോടി രൂപ വിലയുള്ള ഫ്‌ളാറ്റ് കൊല്ലം ചേരനാട് സ്വദേശി ജി.ചന്ദ്രബാബുവിന്. അപകടത്തെ തുടര്‍ന്നു ശരീരം പാതി തളര്‍ന്ന ചന്ദ്രബാബുവിന് ഫാന്‍ വാങ്ങിയതിലൂടെയാണ് മെഗാ സമ്മാനം ലഭിച്ചത്.
നടന്‍ നിവിന്‍ പോളിയാണ് സമ്മാനം ചന്ദ്രബാബുവിന് കൈമാറിയത്. കല്ല്യാണ്‍ ജ്വല്ലേഴ്‌സാണ് ഫ്‌ളാറ്റ് സ്‌പോണ്‍സര്‍ ചെയ്തിരിക്കുന്നത്. ഓഫിസില്‍ നിന്ന് അഞ്ചലിലെ വീട്ടിലേക്കുള്ള യാത്രയ്ക്കിടെ പുനലൂര്‍ തൊളിക്കോട്ടുള്ള കടയില്‍നിന്നായിരുന്നു ചന്ദ്രബാബു ഫാന്‍ വാങ്ങിയത്. പുനലൂര്‍ മുനിസിപ്പല്‍ ഓഫിസിലെ ഹെഡ് ക്ലര്‍ക്കാണ് ഇദ്ദേഹം.
Also Read ചാനല്‍ ചര്‍ച്ചയില്‍ ക്വില്‍ ഫൗണ്ടേഷന്‍ ഡയറക്റ്ററെ രാജ്യദ്രോഹിയെന്ന് വിളിച്ച് ബി.ജെ.പി നേതാവ്; അതിരുവിട്ടെന്ന് അവതാരകന്‍
“തത്കാലം പുനലൂര്‍ വിട്ട് എങ്ങോട്ടും പോകാനാവില്ല. അവിടെ മുനിസിപ്പല്‍ ഓഫിസിലാണു ജോലി. പിന്നെ, വയ്യാത്ത ആളായതിന്റെ പ്രയാസങ്ങളുമുണ്ട്. എങ്കിലും, ഫ്‌ലാറ്റ് ലഭിച്ചതില്‍ വലിയ സന്തോഷം” എന്നായിരുന്നു ,സമ്മാനം ലഭിച്ച ശേഷം ചന്ദ്രബാബു പറഞ്ഞത്.
1993ല്‍. ആന്‍ഡമാന്‍ നിക്കോബാറില്‍ കണ്‍സ്ട്രക്ഷന്‍ കമ്പനിയിലെ ജോലിക്കിടെ കെട്ടിടത്തിന്റെ മുകള്‍നിലയില്‍നിന്നു താഴെവീണതോടെയാണ് ചന്ദ്രബാബുവിന്റെ അരയ്ക്കു താഴോട്ടുള്ള ചലനശേഷി കുറഞ്ഞത്.
കേരളത്തിലെ പത്ര, ടെലിവിഷന്‍, ഓണ്‍ലൈന്‍ മാധ്യമക്കൂട്ടായ്മയും വ്യാപാരി സമൂഹവും ചേര്‍ന്നു സംഘടിപ്പിച്ച പ്രഥമ വ്യാപാരോത്സവമായ ജി.കെ.എസ്.യുവില്‍ നാലു കോടി രൂപയുടെ സമ്മാനങ്ങള്‍ ആണ് ഒരുക്കിയിരുന്നത്.
DoolNews Video