മലപ്പുറം: പ്രണയം നിരസിച്ചതിന് പെണ്‍കുട്ടിയെ വീട്ടില്‍ കയറി കുത്തിക്കൊന്നു. മലപ്പുറം ഏലംകുളം സ്വദേശിയായ കുന്നക്കാട് ബാലചന്ദ്രന്റെ മകള്‍ ദൃശ്യയാണ് കൊല്ലപ്പെട്ടത്. 21 വയസായിരുന്നു.
പതിമൂന്ന് വയസുകാരിയായ സഹോദരി ദേവശ്രീക്കും പരിക്കേറ്റിട്ടുണ്ട്. പ്രണയാഭ്യര്‍ഥന നിരസിച്ചതാണ് കൊലപാതകത്തിന് കാരണമെന്നാണ് പ്രാഥമിക നിഗമനമെന്ന് പൊലീസ് പറഞ്ഞു.
സംഭവത്തില്‍ പെരിന്തല്‍മണ്ണ സ്വദേശിയായ വിനീഷിനെ പൊലീസ് പിടികൂടിയിട്ടുണ്ട്. പെണ്‍കുട്ടിയുടെ അച്ഛന്‍ ബാലചന്ദ്രന്റെ പെരിന്തല്‍മണ്ണയിലെ കട ഇന്നലെ രാത്രി കത്തിനശിച്ചിരുന്നു.
തുടര്‍ന്ന് രാവിലെ അച്ഛന്‍ കടയിലേക്ക് പോയിരുന്നു. ഈ സമയത്താണ് പ്രതി വീട്ടില്‍ കയറി പെണ്‍കുട്ടിയെ ആക്രമിച്ചത്.
ദൃശ്യയെ കുത്തുന്നത് കണ്ട് രക്ഷിക്കാന്‍ ശ്രമിക്കുന്നതിനിടയിലാണ് ദേവശ്രീക്കും പരിക്കേറ്റത്.
കൊലപാതകത്തിന് ശേഷം ഓട്ടോയിലേക്ക് ഓടിക്കയറി രക്ഷപെടാന്‍ ശ്രമിച്ച അനീഷിനെ ഓട്ടോ ഡ്രൈവര്‍ നേരെ പൊലീസ് സ്റ്റേഷനില്‍ എത്തിക്കുകയായിരുന്നു. കട കത്തിയതിന് പിന്നിലും പ്രതിയാണെന്നാണ് വിലയിരുത്തുന്നത്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Girl stabbed to death in Perinthalmanna Sister in critical condition