പ്രണയം നിരസിച്ചു; പെരിന്തല്‍മണ്ണയില്‍ പെണ്‍കുട്ടിയെ വീട്ടില്‍ കയറി കുത്തിക്കൊന്നു; സഹോദരി ഗുരുതരാവസ്ഥയില്
ഡൂള്‍ന്യൂസ് ഡെസ്‌ക്
Thursday, 17th June 2021, 11:18 am
മലപ്പുറം: പ്രണയം നിരസിച്ചതിന് പെണ്‍കുട്ടിയെ വീട്ടില്‍ കയറി കുത്തിക്കൊന്നു. മലപ്പുറം ഏലംകുളം സ്വദേശിയായ കുന്നക്കാട് ബാലചന്ദ്രന്റെ മകള്‍ ദൃശ്യയാണ് കൊല്ലപ്പെട്ടത്. 21 വയസായിരുന്നു.
പതിമൂന്ന് വയസുകാരിയായ സഹോദരി ദേവശ്രീക്കും പരിക്കേറ്റിട്ടുണ്ട്. പ്രണയാഭ്യര്‍ഥന നിരസിച്ചതാണ് കൊലപാതകത്തിന് കാരണമെന്നാണ് പ്രാഥമിക നിഗമനമെന്ന് പൊലീസ് പറഞ്ഞു.
സംഭവത്തില്‍ പെരിന്തല്‍മണ്ണ സ്വദേശിയായ വിനീഷിനെ പൊലീസ് പിടികൂടിയിട്ടുണ്ട്. പെണ്‍കുട്ടിയുടെ അച്ഛന്‍ ബാലചന്ദ്രന്റെ പെരിന്തല്‍മണ്ണയിലെ കട ഇന്നലെ രാത്രി കത്തിനശിച്ചിരുന്നു.
തുടര്‍ന്ന് രാവിലെ അച്ഛന്‍ കടയിലേക്ക് പോയിരുന്നു. ഈ സമയത്താണ് പ്രതി വീട്ടില്‍ കയറി പെണ്‍കുട്ടിയെ ആക്രമിച്ചത്.
