ആ ചിത്രത്തിൽ നസ്‌ലെൻ ഇല്ലായിരുന്നു; മറ്റൊരു നടനെ കാസ്റ്റ് ചെയ്തിരുന്നു: ഗിരീഷ് എ.ഡി
എന്റര്‍ടെയിന്‍മെന്റ് ഡെസ്‌ക്
Friday, 16th February 2024, 12:00 pm
തന്റെ മൂന്ന് ചിത്രങ്ങളിലും നസ്‌ലെനെ അഭിനയിപ്പിച്ചതിനെക്കുറിച്ച് സംസാരിക്കുകയാണ് സംവിധായകൻ ഗിരീഷ് എ.ഡി. തണ്ണീർമത്തൻ ദിനങ്ങളിൽ ഓഡിഷൻ നടത്തി അതിൽ നിന്ന് കൊള്ളാവുന്ന പിള്ളേരെ എടുത്തതാണെന്നും സൂപ്പർ ശരണ്യയിൽ ഒരു ക്യാരക്ടർ വന്നപ്പോൾ നസ്‌ലെനെ വിളിക്കുകയായിരുന്നെന്നും ഗിരീഷ് പറഞ്ഞു. എന്നാൽ സൂപ്പർ ശരണ്യയിൽ ആദ്യ സ്റ്റേജിൽ നസ്‌ലെൻ ഇല്ലായിരുന്നെന്നും ആ റോൾ സംഗീതിനെ കൊണ്ട് ചെയ്യിപ്പിക്കാൻ കരുതിയിരുന്നെന്നും ഗിരീഷ് കൂട്ടിച്ചേർത്തു. ഡൂൾന്യൂസിന് നൽകിയ അഭിമുഖത്തിൽ സംസാരിക്കുകയായിരുന്നു അദ്ദേഹം.
അത് സംഗീതിനെകൊണ്ട് ചെയ്യിപ്പിക്കാനായിരുന്നു ആദ്യം കരുതിയത്. പിന്നെ അത് മാറ്റി നസ്‌ലെനാക്കി, സംഗീതിന് വേറൊരു റോൾ കൊടുത്തു. ഇതിൽ പിന്നെ തുടക്കത്തിൽ തന്നെ നസ്‌ലെൻ ഉണ്ടായിരുന്നു. അപ്പോഴേക്കും നസ്‌ലെൻ ഒരു നായകൻ എന്നതിലേക്ക് വന്നിരുന്നു. എനിക്ക് അവന്റെ ആക്ടിങ് നല്ല ഇഷ്ടമാണ്. മലയാളികൾക്ക് ഇഷ്ടപെടുന്ന മാനറിസങ്ങൾ അവനുണ്ട്,’ ഗിരീഷ് എ.ഡി. പറഞ്ഞു.
നമ്മളുടെ കോളജിലൊക്കെ അങ്ങനെയുള്ള ഒരുത്തൻ പഠിച്ചിട്ടുണ്ടെങ്കിൽ അപ്പോൾ തന്നെ ഇടി കൊണ്ട് ചത്തേനെ. ഇങ്ങനെയൊന്നും ഷോ കാണിക്കാൻ പിള്ളേരൊന്നും സമ്മതിക്കില്ല. അതിനെ പിടിച്ചിട്ട് കോമിക് രീതിയിലേക്ക് ആക്കിയതാണ്. ഓരോരുത്തരുടെ ഫാന്റസി ആണല്ലോ. അതിനോടൊക്കെയുള്ള എതിർപ്പ് ഉള്ളതുകൊണ്ടാണ് അങ്ങനെയൊരു കഥാപാത്രത്തെ വെച്ചത്,’ ഗിരീഷ് പറയുന്നു.