ജന്മനാടായ കശ്മീരിലേക്ക് പോകാന്‍ അനുമതി തേടി ഗുലാം നബി ആസാദ് സുപ്രീംകോടതിയില്‍ ഹരജി നല്‍കി
ഡൂള്‍ന്യൂസ് ഡെസ്‌ക്
Sunday, 15th September 2019, 7:33 pm
ന്യൂദല്‍ഹി: ജമ്മു കശ്മീരിലെ കുടുംബാംഗങ്ങളെ കാണുന്നതിനായി പോകാന്‍ അനുവദിക്കണമെന്നാവശ്യപ്പെട്ട് മുതിര്‍ന്ന കോണ്‍ഗ്രസ് നേതാവ് ഗുലാം നബി ആസാദ് സുപ്രീംകോടതിയില്‍ ഹരജി നല്‍കി. ആര്‍ട്ടിക്കിള്‍ 370 പിന്‍വലിച്ചതിന് ശേഷമുള്ള സംസ്ഥാനത്തെ സാമൂഹിക സാഹചര്യങ്ങള്‍ മനസിലാക്കാന്‍ അനുവദിക്കണമെന്നും ഹരജിയില്‍ ഗുലാം നബി ആസാദ് ആവശ്യപ്പെട്ടിട്ടുണ്ട്.
ചീഫ് ജസ്റ്റിസ് രഞ്ജന്‍ ഗൊഗോയ് ജസ്റ്റിസുമാരായ എസ്.എ ബോബ്‌ഡെ, എസ് അബ്ദുല്‍ നസീര്‍ എന്നിവരടങ്ങിയ ബെഞ്ച് ഹരജി തിങ്കളാഴ്ച പരിഗണിക്കും.
