തന്റെ ഫുട്‌ബോള്‍ ജീവിത്തിലെ ഡ്രീം ഇലവനെ തെരഞ്ഞെടുത്ത് ജര്‍മന്‍ ഇതിഹാസം മെസ്യൂട്ട് ഓസില്‍. മുന്നേറ്റ നിരയില്‍ ക്രിസ്റ്റ്യാനോ റൊണാള്‍ഡോ, കരിം ബെന്‍സിമ എന്നിവര്‍ ഉള്‍പ്പെടെ സെര്‍ജിയോ റാമോസ്, മാഴ്‌സലോ എന്നിവരും ഓസിലിന്റെ ടീമില്‍ ഇടം നേടുന്നു. സോഴ്‌സുകളെ ഉദ്ധരിച്ച് സ്പോര്ട്സ് കീഡയാണ് ഈ വാര്‍ത്ത റിപ്പോര്‍ട്ട് ചെയ്യുന്നത്.
റൊണാള്‍ഡോയും കരിം ബെന്‍സിമയും മെസ്യൂട്ട് ഓസിലിനൊപ്പം റയിലില്‍ ഒരുമിച്ച് കളിച്ചിട്ടുണ്ട്. മൂന്ന് സീസണില്‍ 149 മത്സരങ്ങള്‍ റൊണാള്‍ഡൊക്കൊപ്പം കളിച്ച ഓസില്‍ താരത്തിനൊപ്പം ചേര്‍ന്ന് 39 ഗോളുകളിൽ പങ്കാളികളായിട്ടുണ്ട്.
2010 മുതല്‍ 2013 വരെയാണ് ഓസിലും ബെന്‍സിമയും റയലില്‍ ഒരുമിച്ച് ബൂട്ടുകെട്ടിയിരുന്നത്. റയല്‍ മാഡ്രിഡില്‍ ഇരുവരും മൂന്ന് സീസണുകളിലായി 118 മത്സരങ്ങളില്‍ ഒരുമിച്ച് കളിച്ചിട്ടുണ്ട്.
റയല്‍ മാഡ്രിഡിനെ കൂടാതെ ആഴ്‌സണല്‍, ജര്‍മന്‍ ദേശീയ ടീമിലെ സഹ കളിക്കാരെയും ഓസില്‍ പ്രിയ താരങ്ങളുടെ ലിസ്റ്റില്‍ ഉള്‍പ്പെടുത്തിയിട്ടുണ്ട്.
