'സ്വന്തം കുടുംബത്തെ സംരക്ഷിക്കാനായി നിങ്ങള്‍ ഏതറ്റം വരെ പോകും' ?; കൈകളില്‍ വിലങ്ങുമായി 'ജോര്‍ജുകുട്ടി'; വീഡിയോയുമായി മോഹന്‍ലാല്‍
എന്റര്‍ടെയിന്‍മെന്റ് ഡെസ്‌ക്
Tuesday, 9th February 2021, 2:04 pm
സ്വന്തം കുടുംബത്തെ സംരക്ഷിക്കാന്‍ നിങ്ങള്‍ ഏതറ്റം വരെ പോകും ?, ചോദിക്കുന്നത് മറ്റാരുമല്ല മലയാളത്തിന്റെ പ്രിയ നടന്‍ മോഹന്‍ലാലാണ്. ഫെബ്രുവരി 19 ന് റിലീസ് ചെയ്യുന്ന ദൃശ്യം 2 എന്ന ചിത്രത്തിന്റെ റിലീസിന് മുന്നോടിയായി പുറത്തുവിട്ട വീഡിയോയിലായിരുന്നു ഈ ചോദ്യം.
ജോര്‍ജ് കുട്ടിയുടെയും കുടുംബത്തിന്റെയും കഥ പ്രേക്ഷകരെ വീഡിയോയില്‍ ഓര്‍മ്മിപ്പിക്കുന്നുണ്ട്. നേരത്തെ ചിത്രത്തിന്റെ ട്രെയ്‌ലര്‍ പുറത്തുവിട്ടിരുന്നു.
മോഹന്‍ലാല്‍, മീന, എസ്‌തേര്‍, അന്‍സിബ, ആശ ശരത്, സിദ്ദീഖ് എന്നീ ദൃശ്യത്തിന്റെ ആദ്യ കാസ്റ്റ് തന്നെയാണ് രണ്ടാം ഭാഗത്തിലും പ്രധാന വേഷത്തിലെത്തുന്നത്. മുരളി ഗോപിയും ഗണേഷ് കുമാറുമാണ് പ്രധാന വേഷത്തിലെത്തുന്ന പുതിയ താരങ്ങള്‍.
