ന്യൂദല്‍ഹി: മൊത്ത ആഭ്യന്തര ഉല്‍പാദനത്തിലെ (ജി.ഡി.പി) വളര്‍ച്ചാ നിരക്ക് പ്രവചിച്ചതിലും മോശമാണെന്ന് സമ്മതിച്ച് റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ്. ഇന്ത്യന്‍ സമ്പദ് വ്യവസ്ഥ കടുത്ത മാന്ദ്യം നേരിടുന്ന സാഹചര്യത്തിലാണ് ആര്‍.ബി.ഐ ഗവര്‍ണറുടെ വെളിപ്പെടുത്തല്‍.
2019- 20 സാമ്പത്തിക വര്‍ഷത്തിന്റെ ആദ്യ പാദത്തിലെ ജി.ഡി.പി വളര്‍ച്ച വെറും 5 ശതമാനം മാത്രമായിരുന്നു. ഇതിന് തൊട്ടുപിന്നാലെയാണ് ശക്തികാന്ത ദാസ് ഇക്കാര്യം സമ്മതിച്ചത്.
വാര്‍ഷിക വളര്‍ച്ചാ നിരക്ക് അതിന്റെ ലക്ഷ്യം കൈവരിക്കണമെങ്കില്‍ വരും മാസങ്ങളില്‍ ജി.ഡി.പി കൂട്ടണം.
കഴിഞ്ഞ സാമ്പത്തിക നയ സമിതിയില്‍ 2019-20 സാമ്പത്തിക വര്‍ഷത്തെ ജി.ഡി.പി വളര്‍ച്ചാനിരക്ക് 6.9 ശതമാനമായിരിക്കുമെന്നാണ് റിസവ് ബാങ്ക് പറഞ്ഞത്.
ഇത് മൂന്നാമത്തെ തവണയാണ് ആര്‍.ബി.ഐ സാമ്പത്തിക വളര്‍ച്ചാ നിരക്ക് പുനരവലോകനം നടത്തുന്നത്. ഈ വര്‍ഷം 7.4 ശതമാനം സാമ്പത്തിക വളര്‍ച്ചയുണ്ടാവുമെന്നായിരുന്നു ആര്‍.ബി.ഐയുടെ ആദ്യത്തെ പ്രവചനം. പിന്നീടത് 7.2 ശതമാനമായും 6.9 ശതമാനമായും കുറക്കുകയായിരുന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
സെന്‍ട്രല്‍ സ്റ്റാറ്റിസ്റ്റിക് ഓഫീസ് ഏപ്രില്‍-ജൂണ്‍ മാസത്തില്‍ പുറത്തിറക്കിയ കണക്ക് പ്രകാരം കഴിഞ്ഞ വര്‍ഷം ഇതേ കാലയളവില്‍ 5.8 വളര്‍ച്ചയുണ്ടായിരുന്ന സമ്പദ് വ്യവസ്ഥ ഒന്നാം പാദത്തില്‍ വെറും 5 ശതമാനം വളര്‍ച്ച മാത്രമെ കൈവരിച്ചുള്ളു.
എട്ട് പ്രധാന മേഖലകളിലെ വളര്‍ച്ച ജൂണ്‍ മാസത്തില്‍ 0.2 ശതമാനമായി കുറഞ്ഞു. കഴിഞ്ഞ വര്‍ഷം ഇതേ കാലയളവില്‍ ഇത് 7.3 ശതമാനമായിരുന്നു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ