[]രജീഷ് സംവിധാനം ചെയ്യുന്ന ടൗണ്‍ ടു ടൗണ്‍ എന്ന ചിത്രത്തില്‍ അഭിനയിക്കാന്‍ പോകുന്നതിന്റെ ത്രില്ലിലാണ് നടി ##ഗൗതമി നായര്‍. ചിത്രത്തില്‍ ##ആസിഫ് അലിയുടെ നായികയായിട്ടാണ് ഗൗതമി വേഷമിടുന്നത്. []
ഒരു ടൗണില്‍ നിന്ന് മറ്റൊരു ടൗണിലേക്കുള്ള ഒരാളുടെ സഞ്ചാരമാണ് ചിത്രത്തിന്റെ പ്രമേയം. ചിത്രത്തില്‍ ഒരു നഴ്‌സിന്റെ വേഷത്തിലാണ് ഗൗതമി എത്തുന്നത്.
എന്നാല്‍ ഡയമണ്ട് നെക്ലേസിലെ നഴ്‌സ് കഥാപാത്രത്തില്‍ നിന്നും തികച്ചും വ്യത്യസ്തമാണ് ഈ വേഷമെന്ന് ഗൗതമി പറയുന്നു. നഴ്‌സിങ് ഗ്രാജ്വേറ്റ ്ആയതിന് ശേഷം ജോലി അന്വേഷിച്ചു നടക്കുന്ന കഥാപാത്രമാണ് ചിത്രത്തിലേതെന്നും താരം പറയുന്നു.
കമ്മിറ്റ് ചെയ്ത ചില ചിത്രങ്ങള്‍ തീര്‍ക്കാനുണ്ടെന്നും അതിന് ശേഷം മാത്രമേ ടൗണ്‍ ടു ടൗണിന്റെ ചിത്രീകരണം ആരംഭിക്കുകയുള്ളൂ എന്നാണ് ഗൗതമി പറയുന്നത്.
ആസിഫലിയുടെ നായികയായി വേഷമിടുന്നതില്‍ സന്തോഷമുണ്ടെന്നും ചിത്രം പ്രേക്ഷകര്‍ സ്വീകരിക്കുമെന്ന് വിശ്വാസമുണ്ടെന്നും താരം പറയുന്നു.
ബിജു മേനോനൊപ്പം ചെയ്യുന്ന പകിടയാണ് ആസിഫിന്റെ മറ്റൊരു പ്രധാന ചിത്രം. സുനില്‍ കാര്യാട്ടുകാരയാണ് ചിത്രം ഒരുക്കുന്നത്. ഡി കമ്പനി, കൂതറ, കുമാരസംഭവം ലൈവ്, െ്രെഡവര്‍ ഓണ്‍ ഡ്യൂട്ടി തുടങ്ങിയ ചിത്രങ്ങളും ആസിഫിന്റേതായി ഒരുങ്ങുന്നുണ്ട്.