ന്യൂദല്‍ഹി: കേരള ഹൈക്കോടതിയുടെ പുതിയ ചീഫ് ജസ്റ്റീസ് ആയി ജസ്റ്റീസ് ഹൃഷികേശ് റോയെ നിയമിച്ചു. നിലവിലെ ചീഫ് ജസ്റ്റീസ് ആയ ആന്റണി ഡൊമനിക് ചൊവ്വാഴ്ച വിരമിക്കുന്നതിനെ തുടര്‍ന്നാണിത്.
നിലവില്‍ ഗുവാഹത്തി ഹൈക്കോടതി ചീഫ് ജസ്റ്റിസാണ് ഹൃഷികേഷ് റോയ്. 1982ല്‍ ദല്‍ഹി സര്‍വ്വകലാശാലയിലെ ക്യാംപസ് ലോ സെന്ററില്‍ നിന്നാണ് നിന്നാണ് അദ്ദേഹം നിയമത്തില്‍ ബിരുദം നേടിയത്.
2004ല്‍ ഗുവാഹത്തി ഹൈക്കോടതിയില്‍ മുതിര്‍ന്ന അഭിഭാഷകനായി ജോലി ചെയ്തു. തുടര്‍ന്ന് അരുണാചല്‍ പ്രദേശ് സര്‍ക്കാരിന്റെ അഭിഭാഷകനായി ജോലി ചെയ്തു. 2006ല്‍ അഡീഷണല്‍ ജഡ്ജായി ചുമതലയേറ്റു.
ഈ വര്‍ഷം ഫെബ്രുവരിയിലാണ് ആന്റണി ഡൊമിനിക് ചീഫ് ജസ്റ്റിസായി ചുമതലയേറ്റത്.