ജി 20 രാജ്യങ്ങള്‍ സൗദിക്ക് നല്‍കിയ ആയുധ സഹായം യെമന് നല്‍കിയ ധനസഹായത്തിന്റെ മൂന്നിരട്ടി
ഡൂള്‍ന്യൂസ് ഡെസ്‌ക്
Tuesday, 17th November 2020, 8:34 pm
ഈ വര്‍ഷത്തെ ജി 20 ഉച്ചകോടി സൗദി അറേബ്യയില്‍ വെച്ച് നടക്കുന്നത് സംബന്ധിച്ച് നേരത്തെ വിവാദങ്ങള്‍ ഉയര്‍ന്നിരുന്നു. യെമനില്‍ സൗദി നടത്തുന്ന ആക്രമണം ഉള്‍പ്പെടെ ചൂണ്ടിക്കാട്ടിയായിരുന്നു യൂറോപ്യന്‍ യൂണിയനില്‍ നിന്നടക്കം സൗദി ജി20 ഉച്ചകോടിക്ക് അധ്യക്ഷത വഹിക്കുന്നതിനെതിരെ വിമര്‍ശനം ഉയര്‍ന്നത്.
ഇതിനിടെയാണ് ചാരിറ്റി ഓര്‍ഗനൈസേഷനായ ഓക്‌സ്ഫാം പുറത്തുവിട്ട റിപ്പോര്‍ട്ട് ചര്‍ച്ചയാവുന്നത്. 2015 മുതല്‍ 17 ബില്യണ്‍ ഡോളറിന്റെ ആയുധങ്ങളാണ് ജി 20 രാജ്യങ്ങള്‍ സൗദിക്ക് വിറ്റത്. ജി 20 രാജ്യങ്ങള്‍ യെമന് ജനതയെ സഹായിക്കാനായി നല്‍കിയ തുകയേക്കാളും മൂന്നിരട്ടി തുകയോളം വരുമിത്.
