രജനി സാറിന് ബി.എം.ഡബ്ല്യു കിട്ടിയതറിഞ്ഞ് സോഫിയ ചേച്ചിയെ കാണാന്‍ ചെന്ന ആര്‍.ഡി.എക്‌സ്: പെപ്പെയുടെ പോസ്റ്റ്
എന്റര്‍ടെയിന്‍മെന്റ് ഡെസ്‌ക്
Sunday, 3rd September 2023, 3:47 pm
ആര്‍.ഡി.എക്‌സിന്റെ വമ്പന്‍ വിജയത്തിന് പിന്നാലെ ആന്റണി വര്‍ഗീസ് പങ്കുവെച്ച പോസ്റ്റ് ശ്രദ്ധ നേടുന്നു. ജയിലര്‍ സിനിമ ഹിറ്റ് ആയപ്പോള്‍ രജനി സാറിന് ബി.എം.ഡബ്ല്യു. കിട്ടിയതറിഞ്ഞ് സോഫിയ ചേച്ചിയെ കാണാന്‍ ചെന്ന റോബര്‍ട്ടും ഡോണിയും സേവിയും എന്ന് പറഞ്ഞാണ് ആന്റണിയുടെ കുറിപ്പ് തുടങ്ങുന്നത്.
താന്‍ വീട്ടിലെ മതില്‍ പൊളിച്ചു ഗേറ്റ് വലുതാക്കാന്‍ തുടങ്ങുവാണെന്നും പിന്നെ നഹാസ് പോര്‍ഷേ ഓടിക്കാന്‍ പഠിച്ചു തുടങ്ങിയെന്നുമാണ് കേള്‍ക്കുന്നതെന്നും ഫോസ്ബുക്കില്‍ പങ്കുവെച്ച കുറിപ്പില്‍ ആന്റണി പറഞ്ഞു.
‘ജയിലര്‍ സിനിമ ഹിറ്റ് ആയപ്പോള്‍ രജനി സാറിനു ബി.എം.ഡബ്ലു കിട്ടിയതറിഞ്ഞ് സോഫിയ ചേച്ചിയെ കാണാന്‍ ചെന്ന റോബര്‍ട്ടും ഡോണിയും സേവിയും. കാറിനെ പറ്റി മിണ്ടാന്‍ പോലും സമയം തരാതെ വയറുനിറയെ ഫുഡും തന്ന്, എന്തേലും പറയാന്‍ തുടങ്ങിയാല്‍ അപ്പോള്‍ തന്നെ സോഫിയ ചേച്ചി കപ്പ എടുത്ത് തരും.
