മഹീന്ദ്രയുടെ വക പുത്തന്‍കാര്‍, സൗജന്യ വിമാന യാത്ര വാഗ്ദാനം ചെയ്ത് ഇന്‍ഡിഗോ; നീരജ് ചോപ്രയ്ക്ക് സമ്മാനപ്പെരുമഴ
സ്പോര്‍ട്സ് ഡെസ്‌ക്
Sunday, 8th August 2021, 12:40 pm
പാനിപ്പത്ത്: ടോക്കിയോ ഒളിംപിക്‌സില്‍ സ്വര്‍ണ്ണമെഡല്‍ നേടിയ നീരജ് ചോപ്രയ്ക്ക് വാഗ്ദാനപ്പെരുമഴ. ഹരിയാന സര്‍ക്കാര്‍ ആറ് കോടി രൂപ പാരിതോഷികം പ്രഖ്യാപിച്ചതിന് പിന്നാലെ മറ്റ് സംസ്ഥാനങ്ങളും ക്യാഷ് അവാര്‍ഡ് പ്രഖ്യാപിച്ചു.
പഞ്ചാബ് മുഖ്യമന്ത്രി അമരീന്ദര്‍ സിംഗ് നീരജിന് രണ്ട് കോടി രൂപ പാരിതോഷികം പ്രഖ്യാപിച്ചു. മണിപ്പൂര്‍ സര്‍ക്കാര്‍ ഒരു കോടി രൂപയാണ് നീരജിന് നല്‍കുക.
ബി.സി.സി.ഐയും ഐ.പി.എല്‍ ടീമായ ചെന്നൈ സൂപ്പര്‍കിംഗ്‌സും ഓരോ കോടി രൂപ വീതം നീരജിന് നല്‍കുമെന്ന് അറിയിച്ചിട്ടുണ്ട്.
ഇന്ത്യന്‍ എയര്‍ലൈനായ ഇന്‍ഡിഗോ നീരജ് ചോപ്രയ്ക്ക് ഒരു വര്‍ഷത്തെ വിമാനയാത്ര സൗജന്യമായിരിക്കുമെന്ന് അറിയിച്ചു. മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്ര പുത്തന്‍ മോഡലായ എക്‌സ്.യു.വി 700 നീരജ് ചോപ്രയ്ക്ക് സമ്മാനിക്കും.
