'സിദ്ധരാമയ്യ കണ്ടക്ടറായി', കര്‍ണാടകയില്‍ സ്ത്രീകള്‍ക്ക് സൗജന്യ ബസ് യാത്ര; വാഗ്ദാനങ്ങള്‍ പാലിച്ച് കോണ്‍ഗ്രസ് സര്‍ക്കാര്‍
ഡൂള്‍ന്യൂസ് ഡെസ്‌ക്
Sunday, 11th June 2023, 8:04 pm
ബെംഗളൂരു: കര്‍ണാടകയില്‍ സ്ത്രീ ശാക്തീകരണം ലക്ഷ്യംവെച്ചുള്ള പദ്ധതിയായ ‘ശക്തി’യുടെ ഭാഗമായി സ്ത്രീകള്‍ക്ക് സൗജന്യ ബസ് സര്‍വീസ് ആരംഭിച്ച് കോണ്‍ഗ്രസ് സര്‍ക്കാര്‍.
സര്‍ക്കാര്‍ ബസുകളില്‍ സ്ത്രീകള്‍ക്ക് സൗജന്യ യാത്ര നല്‍കുന്ന ‘ശക്തി’ പദ്ധതിയുടെ ബസുകള്‍ മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും ഫ്‌ളാഗ് ഓഫ് ചെയ്തു.
മുഖ്യമന്ത്രി സിദ്ധരാമയ്യ കണ്ടക്ടറായാണ് യാത്രയുടെ ഉദ്ഘാടനം നിര്‍വഹിച്ചത്. മെജസ്റ്റിക്ക് ബസ് സ്റ്റാന്‍ഡില്‍ നിന്ന് നിയമസഭാ മന്ദിരമായ വിധാന്‍ സൗധയിലേക്കുള്ള ബി.എം. ടി.സി. ബസിലാണ് സിദ്ധരാമയ്യ കണ്ടക്ടറായത്.
ಮಹಿಳಾ ಬಲಕ್ಕೆ “ಶಕ್ತಿ” ಯೋಜನೆ
ಮಹಿಳೆಯರಿಗೆ ಸರ್ಕಾರಿ ಬಸ್ ಗಳಲ್ಲಿ ಉಚಿತ ಪ್ರಯಾಣದ ” ಶಕ್ತಿ” ಯೋಜನೆಗೆ ಇಂದು ಚಾಲನೆ ನೀಡಿದ ಸಾರ್ಥಕ ಕ್ಷಣ. pic.twitter.com/WnHhnhhoRI
— DK Shivakumar (@DKShivakumar) June 11, 2023
