പൗരത്വഭേദഗതി നിയമം; പാര്‍ട്ടി നിലപാടില്‍ പ്രതിഷേധിച്ച് നാല് കോണ്‍ഗ്രസ് നേതാക്കള്‍ രാജി വെച്ചു
ഡൂള്‍ന്യൂസ് ഡെസ്‌ക്
Thursday, 2nd January 2020, 5:16 pm
പനാജി: ഗോവയില്‍ നാല് കോണ്‍ഗ്രസ് നേതാക്കള്‍ രാജി വെച്ചു. പൗരത്വഭേദഗതി നിയമത്തിലും ദേശീയ പൗരത്വരജിസ്റ്ററിലും കോണ്‍ഗ്രസ് എടുത്ത നിലപാടില്‍ പ്രതിഷേധിച്ചാണ് രാജി.
കോണ്‍ഗ്രസ് പനാജി ബ്ലോക്ക് കമ്മിറ്റി പ്രസിഡണ്ട് പ്രസാദ് അമോങ്കര്‍, നോര്‍ത്ത് ഗോവയുടെ ന്യൂനപക്ഷസെല്‍ മേധാവി ജാവേദ് ഷെയിക്, ബ്ലോക് കമ്മിറ്റി സെക്രട്ടറി ദിനേശ് കുബല്‍, ശിവരാജ് തര്‍ക്കര്‍ എന്നിവരാണ് രാജി വെച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
രാജിക്ക് പിന്നാലെ അവര്‍ പൗരത്വഭേദഗതി നിയമത്തെ പിന്തുണക്കുന്നുവെന്നും നേതാക്കള്‍ വ്യക്തമാക്കി.
പൊതുജനത്തെ പ്രത്യേകിച്ചും ന്യൂനപക്ഷങ്ങളെ തെറ്റിദ്ധരിപ്പിക്കാനാണ് കോണ്‍ഗ്രസ് ശ്രമിക്കുന്നതെന്നും രാജിക്ക് പിന്നാലെ മാധ്യമങ്ങളോട് പറഞ്ഞു. പൗരത്വഭേദഗതി നിയമത്തെ സ്വാഗതം ചെയ്യുന്നുവെന്നും വ്യക്തമാക്കി.
