യു.പിയില്‍ ഷിയ വഖഫ് ബോര്‍ഡ് മുന്‍ ചെയര്‍മാന്‍ വസീം റിസ്വി ഹിന്ദുമതം സ്വീകരിച്ചു
ഡൂള്‍ന്യൂസ് ഡെസ്‌ക്
Monday, 6th December 2021, 4:01 pm
ലഖ്‌നൗ: ഉത്തര്‍പ്രദേശ് ഷിയ വഖഫ് ബോര്‍ഡ് മുന്‍ ചെയര്‍മാന്‍ വസീം റിസ്വി ഹിന്ദുമതം സ്വീകരിച്ചു.
തിങ്കളാഴ്ച രാവിലെയാണ് ദസ്ന ദേവി ക്ഷേത്രത്തില്‍ വെച്ച് റിസ്വി ഹിന്ദുമതം സ്വീകരിച്ചത്. ഹര്‍ബീര്‍ നാരായണ്‍ സിംഗ് ത്യാഗി എന്നായിരിക്കും അദ്ദേഹത്തിന്റെ പുതിയ പേര്.
അക്രമം പഠിപ്പിക്കുന്നുവെന്ന് ആരോപിച്ച് ഖുറാനില്‍ നിന്ന് 26 വാക്യങ്ങള്‍ നീക്കം ചെയ്യണമെന്ന് ആവശ്യപ്പെട്ട് വസീം റിസ്വി സുപ്രീം കോടതിയില്‍ ഹരജി നല്‍കിയിരുന്നു.
ഇത് വലിയ വിവാദങ്ങള്‍ക്ക് വഴിയൊരുക്കിയിരുന്നു. റിസ്‌വിയുടെ ഹരജി കോടതി തള്ളിയിരുന്നു.
