ടി.ആര്‍.എസ് പിളര്‍പ്പിലേക്ക്; പാര്‍ട്ടി സ്ഥാപക നേതാവ് ബി.ജെ.പിയില്‍
ഡൂള്‍ന്യൂസ് ഡെസ്‌ക്
Friday, 4th June 2021, 5:00 pm
ഹൈദരാബാദ്: ടി.ആര്‍.എസ് സ്ഥാപക നേതാവ് എറ്റേല രാജേന്ദര്‍ പാര്‍ട്ടിയില്‍ നിന്ന് രാജിവെച്ചു. രാജേന്ദറിനൊപ്പം ഏതാനും ചില പ്രാദേശിക നേതാക്കളും പാര്‍ട്ടിവിട്ടിട്ടുണ്ട്.
ഇവര്‍ ബി.ജെ.പിയില്‍ ചേരാനാണ് സാധ്യത. ബി.ജെ.പി ദേശീയ അധ്യക്ഷന്‍ ജെ.പി നദ്ദ, സംസ്ഥാനത്തെ മുതിര്‍ന്ന ബി.ജെ.പി നേതാവും കേന്ദ്ര ആഭ്യന്തര സഹമന്ത്രിയുമായ കിഷന്‍ റെഡ്ഡി എന്നിവരുമായി രാജേന്ദര്‍ കൂടിക്കാഴ്ച നടത്തിയിരുന്നു.
ഭൂമി കൈയേറ്റ ആരോപണത്തെ തുടര്‍ന്ന് ചന്ദ്രശേഖര റാവു മന്ത്രിസഭയില്‍ നിന്ന് എറ്റേല രാജേന്ദര്‍ പുറത്താക്കപ്പെട്ടിരുന്നു. കെ.സി.ആര്‍ മന്ത്രിസഭയിലെ രണ്ടാമനായിരുന്നു രാജേന്ദര്‍. മന്ത്രിസഭയില്‍ ധനമന്ത്രി, ആരോഗ്യ വകുപ്പുകളുടെ ചുമതലയാണ് അദ്ദേഹം വഹിച്ചിരുന്നത്.
ചന്ദ്രശേഖര്‍ റാവുവിന്റെ വിശ്വസ്തരില്‍ ഒരാളായിരുന്നു രാജേന്ദര്‍.
