കോഴിക്കോട് എട്ട് വയസുകാരിയെ ലൈംഗികമായി പീഡിപ്പിച്ച മുന്‍ എസ്.ഐ അറസ്റ്റില്‍
ഡൂള്‍ന്യൂസ് ഡെസ്‌ക്
Wednesday, 10th November 2021, 6:13 pm
കോഴിക്കോട്: എട്ട് വയസുകാരിയെ ഒന്നിലധികം തവണ ലൈംഗികമായി പീഡിപ്പിച്ച മുന്‍ എസ്.ഐ അറസ്റ്റില്‍. കോഴിക്കോട് ഫറോഖ് സ്വദേശി ഉണ്ണിയെയാണ് ഫറോഖ് പൊലീസ് അറസ്റ്റ് ചെയ്തത്.
സര്‍വീസിലിരിക്കെ പോക്‌സോ കേസുകള്‍ കൈകാര്യം ചെയ്യുന്നതില്‍ വിദഗ്ധനായിരുന്നു ഇയാളെന്ന് പൊലീസിനെ ഉദ്ധരിച്ച് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നു.
ദിവസങ്ങള്‍ക്ക് മുമ്പാണ് പ്രതി എട്ട് വയസ്സുകാരിയായ പെണ്‍കുട്ടിയെ പീഡനത്തിനിരയാക്കിയത്. പ്രതിയുടെ വീട്ടില്‍ വെച്ചും വീടിന് സമീപമുള്ള ഷെഡ്ഡില്‍ വെച്ചും നിരവധി തവണ പീഡനത്തിനിരയാക്കിയെന്ന് ചൈല്‍ഡ് ലൈനില്‍ പെണ്‍കുട്ടി പരാതി നല്‍കി.
