ബാഴ്‌സലോണ മിഡ് ഫീല്‍ഡര്‍ ഫ്രാങ്കി ഡി ജോംഗിനോട് ടീം വിട്ട് മാഞ്ചസ്റ്റര്‍ യുണൈറ്റഡിനൊപ്പം ചേരാന്‍ നിര്‍ദേശിച്ച് മുന്‍ റയല്‍ മാഡ്രിഡ് താരം റാഫേല്‍ വാന്‍ ഡെര്‍ വാര്‍ട്ട്.
ടീമിന്റെ മധ്യനിരയെ ശക്തിപ്പെടുത്താന്‍ മാഞ്ചസ്റ്ററില്‍ നിന്നും വിളിയെത്തിയതോടെയാണ് ബാഴ്‌സലോണ വിട്ട് മാഞ്ചസ്റ്ററിലേക്ക് ചേക്കേറാന്‍ വാന്‍ ഡെര്‍ വാര്‍ട്ട് ഡി ജോംഗിനെ ഉപദേശിക്കുന്നത്.
ബാഴ്‌സയുടെ മധ്യനിരയിലെ പ്രധാനിയാണ് ഈ ഇരുപത്തിയഞ്ചുകാരന്‍. എന്നാല്‍ കടുത്ത സാമ്പത്തിക പ്രതിസന്ധി നിലനില്‍ക്കുന്ന ബാഴ്‌സലോണയില്‍ കാര്യങ്ങള്‍ സ്റ്റേബിളാവാന്‍ സമ്മര്‍ ട്രാന്‍സ്ഫറില്‍ ഏതെങ്കിലും ഒരു താരത്തെ പറഞ്ഞയക്കേണ്ടി വരും.
അതേസമയം, ഡി ജോംഗിനോട് മാഞ്ചസ്റ്റര്‍ യുണൈറ്റഡിലേക്ക് ചേക്കേറാനാണ് മുന്‍ ഡച്ച് പ്ലേമേക്കര്‍ വാന്‍ ഡെര്‍ വാര്‍ട്ട് ആവശ്യപ്പെടുന്നത്. സിഗോ സ്‌പോര്‍ട്ടിന് നല്‍കിയ അഭിമുഖത്തിലായിരുന്നു വാര്‍ട്ട് ഇക്കാര്യം പറഞ്ഞത്.
‘ബാഴ്‌സലോണയില്‍ അവന്‍ പെഡ്രി, ഗാവി പോലുള്ള കളിക്കാര്‍ക്കിടയിലാണ് കളിക്കുന്നത്. അവരും ഇവനോളം മികച്ച കളി പുറത്തെടുക്കുന്നവരാണ്. ഡച്ച് നാഷണല്‍ ടീമില്‍ ഈ റോളില്‍ ഇത്രയും മികവുറ്റ കളിക്കാകന്‍ ഇവന്‍ മാത്രമാണ്.
ആ കൈമാറ്റം അനുയോജ്യം തന്നെയാണെന്നാണ് ഞാന്‍ കരുതുന്നത്. എന്ത് ചെയ്യാന്‍ സാധിക്കും എന്ത് ചെയ്യാന്‍ സാധിക്കില്ല എന്ന് കൃത്യമായി മനസിലാക്കുന്ന ഒരു കോച്ച് അവിടെയുണ്ട്.
Rafael van der Vaart on Frenkie de Jong: “At Manchester United it will be just like at the National Team, being the only one with his type of qualities. I would move to Manchester United if I was him, just do it!” #MUFC [@TheEuropeanLad]
