വനിതാ ലോകകപ്പില്‍ ഇന്ത്യ – പാകിസ്ഥാന്‍ മത്സരം നടക്കുന്നതിന് മുമ്പാണ് താരം ഇത്തരമൊരു പ്രസ്താവന നടത്തിയത് എന്നതും ശ്രദ്ധേയമാണ്.
മികച്ചത് വിരാട് എന്ന് അഭിപ്രായം സിദ്രയുടേത് മാത്രമല്ല
മുന്‍ പാക് സൂപ്പര്‍ താരവും പരിശീലകനുമായ മുദാസര്‍ നാസറും ഈ വിഷയത്തില്‍ തന്റെ അഭിപ്രായം വ്യക്തമാക്കിയിരുന്നു.
വിരാട് കോഹ്‌ലി എക്കാലത്തെയും മികച്ച താരങ്ങളില്‍ ഒരാളാണെന്നും എന്നാല്‍ ബാബര്‍ അസം ക്രിക്കറ്റ് ലോകത്ത് ഇനിയും സ്വന്തം പേര് അടയാളപ്പെടുത്തേണ്ടിയിരിക്കുന്നുവെന്നുമാണ് അദ്ദേഹം അഭിപ്രായപ്പെട്ടത്.
‘ഇരു താരങ്ങളും (വിരാടും ബാബറും) തമ്മില്‍ പ്രകടമായ വ്യത്യാസങ്ങളുണ്ട്. ക്രിക്കറ്റിലെ എക്കാലത്തെയും മികച്ച താരമായാണ് വിരാട് ഓര്‍ത്തുവെക്കപ്പെടുക. എന്നാല്‍ ബാബറാകട്ടെ ഇനിയും ക്രിക്കറ്റില്‍ സ്ഥാനം കണ്ടെത്തേണ്ടിയിരിക്കുന്നു,’ നാസര്‍ പറഞ്ഞു.
ലോകകപ്പിലെ ഇരുവരുടെയും ആദ്യ മത്സരത്തില്‍ സംഭവിച്ചത്
ആദ്യ മത്സരം പരാജയപ്പെട്ടാണ് ഇന്ത്യ രണ്ടാം മത്സരത്തില്‍ പാകിസ്ഥാനെ നേരിടാനൊരുങ്ങുന്നത്. ദുബായ് അന്താരാഷ്ട്ര സ്റ്റേഡിയത്തില്‍ നടന്ന മത്സരത്തില്‍ 58 റണ്‍സിനാണ് ഇന്ത്യ പരാജയപ്പെട്ടത്.
ന്യൂസിലാന്‍ഡ് ഉയര്‍ത്തിയ 161 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ ഇന്ത്യ 102 റണ്‍സിന് പുറത്തായി.
