വിരാട് കോഹ്‌ലിയെ പ്രശംസിച്ച് മുന്‍ ഇന്ത്യന്‍ ക്രിക്കറ്റര്‍ വെങ്കടേഷ് പ്രസാദ്. ഈ തലമുറയിലെ തന്നെ മികച്ച ബാറ്ററാണെന്നും ഒരിക്കല്‍ കൂടി വിരാട് തെളിയിച്ചുവെന്ന് വെങ്കിടേഷ് പ്രസാദ് പറഞ്ഞു. ഇത് വിരാടിന്റെ ഏറ്റവും മികച്ച വര്‍ഷമായി താന്‍ റേറ്റ് ചെയ്യുമെന്നും വളരെയധികം പ്രതിസന്ധികള്‍ തരണം ചെയ്തതിന് ശേഷമാണ് അവന്‍ മികച്ച പ്രകടനം കാഴ്ച വെക്കുന്നതെന്നും വെങ്കിടേഷ് പ്രസാദ് എക്‌സില്‍ കുറിച്ചു.
‘താനൊരു ചാമ്പ്യനാണെന്നും ഈ തലമുറയിലെ തന്നെ മികച്ച ബാറ്ററാണെന്നും ഒരിക്കല്‍ കൂടി തെളിയിച്ചിരിക്കുകയാണ്. വിരാടിനെ സംബന്ധിച്ചിടത്തോളം ഇതൊരു അത്ഭുതകരമായ വര്‍ഷമാണ്. ഇതവന്റെ ഏറ്റവും മികച്ച വര്‍ഷമായി ഞാന്‍ റേറ്റ് ചെയ്യും. പ്രത്യേകിച്ചും ഇത്രയും പ്രതിസന്ധികള്‍ തരണം ചെയ്തതിന് ശേഷം. ആ ത്വരയും തീക്ഷ്ണതയും വളരെ ഉന്മേഷദായകവും യഥാര്‍ത്ഥ ചാമ്പ്യന്റെ അടയാളവുമാണ്,’ വെങ്കിടേഷ് പ്രസാദ് കുറിച്ചു.
He has proved again that he is a champion and the best batsman of this generation, been a phenomenal year for him. Would rate this as his best year, especially since it had come after a couple of difficult years for him. That hunger and zeal was refreshing and sign of a true… https://t.co/aTi97mm28b
— Venkatesh Prasad (@venkateshprasad) December 31, 2023
