കഴിഞ്ഞതൊന്നും ഇനി മാറ്റാനാവില്ല, മൂവ് ഓണ്‍; തെറ്റുകളില്‍ നിന്നും പഠിക്കണമെന്ന് കപില്‍ ദേവ്
സ്പോര്‍ട്സ് ഡെസ്‌ക്
Tuesday, 21st November 2023, 4:54 pm
ലോകകപ്പ് ഫൈനലിലെ തോല്‍വിയില്‍ നിന്നും ഇന്ത്യ മുന്നോട്ട് പോകണമെന്ന് മുന്‍ ഇന്ത്യന്‍ ക്യാപ്റ്റന്‍ കപില്‍ ദേവ്. കഴിഞ്ഞുപോയതില്‍ ഒന്നും ചെയ്യാനാവില്ലെന്നും എന്നാല്‍ കഠിനാധ്വാനം ചെയ്യണമെന്നും അദ്ദേഹം പറഞ്ഞു. തെറ്റുകളില്‍ നിന്നും പഠിക്കുന്നവരാണ് യഥാര്‍ത്ഥ സ്പോര്‍ട്സ്മാനെന്നും കപില്‍ മാധ്യമങ്ങളോട് പറഞ്ഞു.
‘സ്പോര്‍ട്സിന് മുന്നോട്ട് ചലിക്കേണ്ടതുണ്ട്. ഒരു തിരിച്ചടി ജീവിതം മുഴുവന്‍ കൊണ്ടുനടക്കാന്‍ പറ്റില്ല. വരുന്ന ദിവസം നിങ്ങള്‍ക്ക് പ്ലാന്‍ ചെയ്യേണ്ടതുണ്ട്. കഴിഞ്ഞ് പോയതില്‍ നമുക്ക് ഒന്നും ചെയ്യാന്‍ പറ്റില്ല. എന്നാല്‍ കഠിനാധ്വാനം ചെയ്യൂ. അതാണ് സ്പോര്‍ട്സ്മാന് വേണ്ടത്.
അവര്‍ അതിശയകരമായി കളിച്ചു. ശരിയാണ്, ഫൈനലെന്ന കടമ്പ അവര്‍ക്ക് കടക്കാനായില്ല. തെറ്റുകളില്‍ നിന്നും പഠിക്കുന്നവനാണ് യഥാര്‍ത്ഥ സ്പോര്‍ട്സ് മാന്‍,’ കപില്‍ ദേവ് പറഞ്ഞു.
