റാന്റി മാര്‍ട്ടിന്‍സ് വിരമിക്കുന്നെന്ന് റിപ്പോര്‍ട്ട്; ബൂട്ടഴിക്കുന്നത് ഐ ലീഗിലെ എക്കാലത്തേയും മികച്ച ഗോള്‍വേട്ടക്കാരന്‍
സ്പോര്‍ട്സ് ഡെസ്‌ക്
Tuesday, 16th June 2020, 7:45 pm
കൊല്‍ക്കത്ത: ഐ ലീഗിലെ സ്റ്റാര്‍ സ്‌ട്രൈക്കറായിരുന്ന റാന്റി മാര്‍ട്ടിന്‍സ് വിരമിച്ചതായി റിപ്പോര്‍ട്ട്. നൈജീരിയക്കാരനായ റാന്റി ഐ ലീഗില്‍ കളിച്ച എക്കാലത്തേയും മികച്ച വിദേശതാരം എന്നാണ് വിലയിരുത്തപ്പെടുന്നത്.
2004 ല്‍ ഗോവന്‍ ക്ലബായ ഡെംപോയിലൂടയാണ് റാന്റിയുടെ ഐ ലീഗ് തുടക്കം. 2016 വരെ ഇന്ത്യയിലെ വിവിധ ക്ലബുകള്‍ക്കൊപ്പം റാന്റിയുണ്ടായിരുന്നു.
12 വര്‍ഷം നീണ്ട ഐ ലീഗ് കരിയറില്‍ 5 കിരീടങ്ങള്‍ റാന്റി സ്വന്തമാക്കിയിട്ടുണ്ട്. ഡെംപോയ്‌ക്കൊപ്പം 5 ലീഗ് കിരീടവും ഒരു ഫെഡറേഷന്‍ കപ്പും രണ്ട് ഡ്യൂറണ്ട് കപ്പും റാന്റി സ്വന്തമാക്കിയിട്ടുണ്ട്.
ബ്രസീലിയന്‍ താരം ബെറ്റോയോടൊപ്പമുള്ള റാന്റിയുടെ കളിക്കളത്തിലെ മുന്നേറ്റങ്ങള്‍ പ്രശസ്തമാണ്.
