ഫോര്‍ഡും ഇന്ത്യ വിടുന്നു; പ്രവര്‍ത്തനം അവസാനിപ്പിക്കുന്നതായി കമ്പനി
ഡൂള്‍ന്യൂസ് ഡെസ്‌ക്
Thursday, 9th September 2021, 5:54 pm
മുംബൈ: വാഹന നിര്‍മാതാക്കളായ ഫോര്‍ഡ് ഇന്ത്യയിലെ ഉത്പാദനം നിര്‍ത്തുന്നു. രാജ്യത്തെ രണ്ട് പ്ലാന്റുകളിലേയും പ്രവര്‍ത്തമം അവസാനിപ്പിക്കുന്നതായി ഫോര്‍ഡ് അറിയിച്ചു.
ഗുജറാത്തിലെ സാനന്ദിലും തമിഴ്‌നാട്ടിലെ ചെന്നൈയിലുമാണ് ഫോര്‍ഡിന് പ്ലാന്റുകളുള്ളത്. സാനന്ദിലുള്ള പ്ലാന്റ് ഈ വര്‍ഷം അവസാനത്തോടെ പ്രവര്‍ത്തനം നിര്‍ത്തും.
ചെന്നൈയിലെ എഞ്ചിന്‍ നിര്‍മാണ യൂണിറ്റ് അടുത്ത വര്‍ഷം രണ്ടാം പാദത്തോടെ അവസാനിപ്പിക്കും.
കഴിഞ്ഞ 10 വര്‍ഷത്തിനിടെ 200 കോടി ഡോളറിന്റെ പ്രവര്‍ത്തന നഷ്ടം നേരിട്ട സാഹചര്യത്തില്‍ റീസ്ട്രക്ചറിങ്ങിനു നിര്‍ബന്ധിതമായിരിക്കുകയാണെന്നാണ് ഫോര്‍ഡ് വാര്‍ത്താക്കുറിപ്പില്‍ അറിയിച്ചത്.
