ഇടുക്കിയില്‍ അസം സ്വദേശിയായ അഞ്ചു വയസ്സുകാരന് ക്രൂരമര്‍ദ്ദനം
ഡൂള്‍ന്യൂസ് ഡെസ്‌ക്
Saturday, 31st October 2020, 12:31 pm
ഇടുക്കി: ഇടുക്കി ഉണ്ടംപ്ലാവില്‍ അസം സ്വദേശിയായ അഞ്ചു വയസ്സുകാരന് ക്രൂരമര്‍ദ്ദനം. അച്ഛന്റെ സഹോദരനാണ് കുട്ടിയെ മര്‍ദ്ദിച്ചത്. മര്‍ദ്ദനത്തെത്തുടര്‍ന്ന് കുട്ടിയുടെ തലയോട്ടിക്ക് പൊട്ടലും ആന്തരിക രക്തസ്രാവവുമുണ്ടായതായി ആശുപത്രി അധികൃതര്‍ അറിയിച്ചു.
അതേസമയം കുട്ടി അപകട നില തരണം ചെയ്തതായും അധികൃതര്‍ വ്യക്തമാക്കി. വെള്ളിയാഴ്ച വൈകുന്നേരം നാലുമണിയോടെയാണ് സംഭവമുണ്ടാകുന്നത്.
മര്‍ദ്ദനത്തിന് ശേഷം കുട്ടിക്ക് ശാരീരിക ബുദ്ധിമുട്ടുകള്‍ അനുഭവപ്പെട്ടതിനെ തുടര്‍ന്ന് ചാഴിക്കാട് സ്വകാര്യ ആശുപത്രിയില്‍ എത്തിക്കുകയായിരുന്നു.
