ആലപ്പുഴ: ആലപ്പുഴയ്ക്കടുത്ത് മത്സ്യബന്ധനത്തിന് പോയ ബോട്ട് മുങ്ങി. ബോട്ടിലെ മൂന്ന് തൊഴിലാളികളെ കാണാതായതായി റിപ്പോര്‍ട്ടുകള്‍.
വൈപ്പിനില്‍ നിന്ന് പുറപ്പെട്ട ബോട്ട് ആലപ്പുഴയില്‍ നിന്നും 12 നോട്ടിക്കല്‍ മൈല്‍ അകലെ ആഴക്കടലിലാണ് മുങ്ങിയത്. അപകടത്തെത്തുടര്‍ന്ന് സ്ഥലത്തെത്തിയ നാവികസേന ബോട്ടിലുണ്ടായിരുന്ന ബാക്കി നാല് പേരെ രക്ഷിച്ചു.
ALSO READ: തിരുവനന്തപുരം നഗരത്തില്‍ പ്രളയം; പതിനെട്ടോളം കുടുംബങ്ങള്‍ ഒറ്റപ്പെട്ടു
കനത്ത മഴയില്‍ കടലില്‍ മത്സ്ബന്ധനത്തിനായി പോയ ബോട്ടാണ് അപകടത്തില്‍പ്പെട്ടത്. ശക്തമായ തിരയിലും കാറ്റിലും പെട്ട് ബോട്ട് മുങ്ങുകയായിരുന്നു.
ബോട്ട് മുങ്ങിയതിന് പിന്നാലെ നാല് പേര്‍ തടിയില്‍ പിടിച്ചു കിടന്നു. രക്ഷിച്ച നാല് പേരെയും ഹെലികോപ്ടര്‍ മാര്‍ഗം കരക്കെത്തിച്ച് ചികിത്സ നല്‍കിയിട്ടുണ്ട്.
അതേസമയം, കാണാതായ മൂന്ന് പേര്‍ക്ക് വേണ്ടി തിരച്ചില്‍ നടത്താന്‍ കഴിയാത്ത സാഹചര്യമാണ് ഇപ്പോള്‍ കടലിലുള്ളത്.