ബില്‍ബോര്‍ഡ് ഗ്ലോബല്‍ 200ന്റെ ആദ്യ പത്ത് പേരില്‍ ഇടം നേടി ടെയ്‌ലര്‍ സ്വിഫ്റ്റും ടേറ്റ് മക്‌റേയും (Tate McRae) ഡോജാ ക്യാറ്റും ബി.ടി.എസിലെ ജങ്കൂക്കും. ബില്‍ബോര്‍ഡ് തങ്ങളുടെ ചാര്‍ട്ടിന്റെ ഒഫീഷ്യല്‍ എക്സ് അക്കൗണ്ടിലൂടെയാണ് ഈകാര്യം പുറത്തുവിട്ടത്.
ബില്‍ബോര്‍ഡ് ഗ്ലോബല്‍ 200ല്‍, ലോകമെമ്പാടുമുള്ള ഇരുന്നൂറിലധികം പ്രദേശങ്ങളില്‍ നിന്നുള്ള സ്ട്രീമിങ്ങും വില്‍പ്പനയും അടിസ്ഥാനമാക്കിയാണ് സോങ്ങുകള്‍ ലിസ്റ്റ് ചെയ്യപ്പെടുന്നത്.
ആദ്യ പത്ത് പേരില്‍ ഏറ്റവും കൂടുതല്‍ തവണ ലിസ്റ്റ് ചെയ്യപ്പെട്ടിരിക്കുന്നത് ടെയ്‌ലര്‍ സ്വിഫ്റ്റാണ്. ആദ്യ ആറ് സ്ഥാനങ്ങളിലും ടെയ്‌ലര്‍ തന്നെയാണ് വന്നിരിക്കുന്നത് എന്നതാണ് ഇതിലെ പ്രത്യേകത. അതിന് പുറമെ ഒമ്പതാം സ്ഥാനത്തും ലിസ്റ്റ് ചെയ്യപ്പെട്ടത് ടെയ്‌ലര്‍ തന്നെയാണ്.
‘ഈസ് ഇറ്റ് ഓവര്‍ നൗ? (Is It Over Now?)’, ‘നൗ ദാറ്റ് വി ഡോണ്ട് ടോക്ക് (Now That We Don’t Talk)’, ‘സ്ലട്ട്! (Slut!)’, ‘സേ ഡോണ്ട് ഗോ (Say Don’t Go)’, ‘സ്‌റ്റൈല്‍ (style)’, ‘ബാഡ് ബ്ലഡ് (Bad Blood)’, ‘ബ്ലാങ്ക് സ്‌പേസ് (Blank Space)’ എന്നിവയാണ് ആദ്യ പത്തില്‍ ടെയ്‌ലറിനെയെത്തിച്ച സോങ്ങുകള്‍. ഇതില്‍ ബ്ലാങ്ക് സ്‌പേസ് ഒഴികെ ബാക്കിയുള്ള സോങ്ങുകളാണ് ആദ്യ ആറെണ്ണത്തില്‍ എത്തിയിരിക്കുന്നത്.
ബില്‍ബോര്‍ഡ് ഗ്ലോബല്‍ 200ല്‍ ആദ്യ പത്ത് പേരില്‍ പത്താമത് ഇടം നേടിയിരിക്കുന്നത് ബി.ടി.എസിലെ ജങ്കൂക്കാണ്. ജങ്കൂക്കിന്റെ ‘സെവന്‍ (seven) എന്ന സോങ്ങാണ് പത്താമത് ലിസ്റ്റ് ചെയ്യപ്പെട്ടിരിക്കുന്നത്.
Content Highlight: First Ten Artists In Billboard Two Hundred List