കൊച്ചി: ടോവിനോ തോമസിനെ നായകനാക്കി നവാഗത സംവിധായകനായ ഫെലിനി സംവിധാനം ചെയ്യുന്ന ചിത്രം തീവണ്ടിയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. മലയാളത്തിന്റെ പ്രിയതാരം ദുല്‍ഖര്‍ സല്‍മാനാണ് ചിത്രത്തിന്റെ പോസ്റ്റര്‍ പ്രക്ഷകരുമായി പങ്കുവച്ചത്.
ടൊവിനോയുടെ പുതിയ ചിത്രത്തിന് എല്ലാവിധ ആശംസകളും നേരുന്നുവെന്ന് പറഞ്ഞുകൊണ്ടാണ് താരം പോസ്റ്റര്‍ പങ്കുവച്ചുകൊണ്ട് ഫേസ്ബുക്കിലൂടെ അറിയിച്ചത്. ചിത്രത്തിന്റെ സംവിധായകന്‍ ഫെലിനിയുമായി തന്റെ ആദ്യചിത്രത്തില്‍ പ്രവര്‍ത്തിക്കാന്‍ കഴിഞ്ഞതിലും ഇപ്പോള്‍ അദ്ദേഹത്തിന്റെ ചിത്രത്തിന്റെ പോസ്റ്റര്‍ പ്രേക്ഷകരുമായി പങ്കുവെക്കാന്‍ കഴിഞ്ഞതിലും സന്തോഷമുണ്ടെന്നും ദുല്‍ഖര്‍ പറഞ്ഞു.
ഉടന്‍ തിയേറ്ററിലെത്തുന്ന ചിത്രത്തില്‍ സംയുക്തമേനോനാണ് നായികയായെത്തുന്നത്. ഓഗസ്റ്റ് സിനിമയുടെ ബാനറിലാണ് ചിത്രം നിര്‍മ്മിക്കുന്നത്.
മലയാളത്തിലെ ഒട്ടുമിക്ക താരങ്ങളും ചിത്രത്തില്‍ കഥാപാത്രങ്ങളായെത്തുന്നുണ്ട്. കമലിന്റെ ആമിയും ആഷിഖ് അബു സംവിധാനത്തില്‍ പിറന്ന മായാനദിയുമാണ് ഇപ്പോള്‍ തിയേറ്ററില്‍ പ്രദര്‍ശനം തുടരുന്ന ടോവിനോയുടെ പ്രധാന ചിത്രങ്ങള്‍.