സണ്ണി വെയിന്‍ നായകനാകുന്ന ചിത്രം ‘ചെത്തി മന്ദാരം തുളസി’യുടെ ഫസ്റ്റ് ലുക്ക് പോസ്റ്റര്‍ മോഹന്‍ലാല്‍ പുറത്തിറക്കി. ചിത്രത്തിന്റെ സംവിധാനം നിര്‍വഹിക്കുന്നത് ജയ് ജനാര്‍ദ്ദനനും, രാഹുല്‍ ആറും, പി ജിംഷാറും ചേര്‍ന്നാണ്. ചിത്രത്തിന്റെ ടീസര്‍ മഞ്ജു വാര്യരും ടൈറ്റില്‍ സോംഗ് കെ മധുവും മാള്‍ ഓഫ് ട്രാവന്‍കൂറില്‍ ലോഞ്ച് ചെയ്തു.
ഇന്ന് വൈകിട്ട് ആറ് മണിക്ക് നിവിന്‍ പോളിയുടെ ഫേസ്ബുക്ക് പേജില്‍ സോംഗ് ടീസര്‍ റിലീസ് ചെയ്യും. ചിത്രത്തില്‍ റഫീക് അഹമ്മദിന്റെ വരികള്‍ക്ക് സംഗീതം നല്‍കിയിരിക്കുന്നത് ഗോവിന്ദ് വസന്തയാണ്. ആര്‍.എസ് വിമല്‍ ഫിലിംസും യുനൈറ്റഡ് ഫിലിം കിങ്ഡവും ചേര്‍ന്നാണ് ചെത്തി മന്ദാരം തുളസി നിര്‍മ്മിക്കുന്നത്.
‘എന്ന് നിന്റെ മൊയിദീന്’ ശേഷം ആര്‍.എസ് വിമല്‍ അവതരിപ്പിക്കുന്ന ചിത്രം എന്ന പ്രത്യേകത കൂടി ചെത്തി മന്ദാരം തുളസിക്കുണ്ട്. പി ജിംഷാറാണ് ചെത്തി മന്ദാരം തുളസിയുടെ കഥ ഒരുക്കിയിരിക്കുന്നത്. പ്രണയ മീനുകളുടെ കടല്‍ എന്ന സിനിമയിലൂടെ മലയാളികള്‍ക്ക് പരിചിതയായ റിധി കുമാറാണ് ചിത്രത്തിലെ നായിക.
അപ്പു ഭട്ടതിരി എഡിറ്റിംഗും വിഷ്ണു പണിക്കര്‍ കാമറയും കൈകാര്യം ചെയ്യും. 2020 ആദ്യം ചിത്രീകരണം ആരംഭിക്കും.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ