അടഞ്ഞ മുറിയില്‍ നിന്നും, പ്രാവിനെ പിടിക്കാന്‍ ജനല്‍ വഴി കൈ നീട്ടുന്ന 'യശോദയെന്ന സാമന്ത'; സസ്‌പെന്‍സ് നിറച്ച് ആദ്യ രംഗങ്ങള്‍
എന്റര്‍ടെയിന്‍മെന്റ് ഡെസ്‌ക്
Thursday, 5th May 2022, 8:17 pm
തെന്നിന്ത്യന്‍ സൂപ്പര്‍താരം സാമന്ത റൂത്പ്രഭു കേന്ദ്ര കഥാപാത്രമായെത്തുന്ന ചിത്രം യശോദയിലെ ആദ്യ രംഗങ്ങള്‍ പുറത്തുവിട്ട് അണിയറപ്രവര്‍ത്തകര്‍.
അടഞ്ഞുകിടക്കുന്ന ഒരു മുറിയില്‍ ഉറക്കമെണീക്കുന്ന സാമന്തയെയും പിന്നീട് ജനാലക്കപ്പുറം കണ്ട പ്രാവിനെ പിടിക്കാന്‍ വേണ്ടി സാമന്ത പുറത്തേക്ക് കൈ നീട്ടുന്നതുമാണ് First Glimpse വീഡിയോയിലുള്ളത്.
തെലുങ്ക്, തമിഴ്, ഹിന്ദി, കന്നഡ, മലയാളം എന്നീ ഭാഷകളിലായാണ് ചിത്രം റിലീസ് ചെയ്യുന്നത്. ടൈറ്റില്‍ റോളില്‍ സാമന്ത എത്തുന്നതുകൊണ്ട് തന്നെ താരത്തിന്റെ ഇതുവരെയുള്ള കരിയറിലെ ഏറ്റവും വലിയ റിലീസായിരിക്കും യശോദ.
ശ്രീദേവി മൂവീസിന്റെ ബാനറില്‍ ശിവലെങ്ക കൃഷ്ണ പ്രസാദ് ആണ് ചിത്രം നിര്‍മിക്കുന്നത്. ഹരി- ഹരീഷ് ജോഡി സംവിധാനം ചെയ്യുന്ന ചിത്രം ആഗസ്റ്റ് 12ന് വേള്‍ഡ് വൈഡ് റിലീസായാണെത്തുന്നത്.
