സ്ത്രീകള്‍ അടക്കമുള്ളവര്‍ക്കെതിരെ മോശം പരാമര്‍ശവും നിയമലംഘനവും; ബിഗ് ബോസില്‍ നിന്ന് സജ്‌ന - ഫിറോസ് ദമ്പതിമാരെ പുറത്താക്കി
എന്റര്‍ടെയിന്‍മെന്റ് ഡെസ്‌ക്
Tuesday, 13th April 2021, 11:54 pm
ചെന്നൈ: ബിഗ് ബോസ് മലയാളം സീസണ്‍ 3യില്‍ നിന്ന് മത്സരാര്‍ത്ഥികളായ സജ്‌ന – ഫിറോസ് ദമ്പതിമാരെ ഷോയില്‍ നിന്ന് പുറത്താക്കി. അസാധാരണ നടപടിയായിട്ടാണ് ചൊവ്വാഴ്ച്ച ഷോയില്‍ മോഹന്‍ലാല്‍ നേരിട്ട് എത്തി സജ്‌ന – ഫിറോസ് ദമ്പതിമാരെ പുറത്താക്കിയത്.
ഷോയില്‍ നിരന്തരമായി സ്ത്രീകള്‍ അടക്കമുള്ള മത്സരാര്‍ത്ഥികളെ അധിക്ഷേപിക്കുകയും ബിഗ് ബോസ് നിയമങ്ങള്‍ക്ക് എതിരായി പ്രവര്‍ത്തിച്ചതിനും കൊണ്ടാണ് ഇരുവരെയും ഷോയില്‍ നിന്ന് പുറത്താക്കിയത്.
രണ്ട് വ്യക്തികളായിരുന്നെങ്കിലും ഒറ്റ മത്സരാര്‍ത്ഥിയായിട്ടായിരുന്നു ഇരുവരും മത്സരിച്ചിരുന്നത്. സാധാരണ രീതിയില്‍ ശനിയാഴ്ച്ചയും ഞായറാഴ്ചയുമായിരുന്നു മോഹന്‍ലാല്‍ ബിഗ് ബോസ് എപ്പിസോഡില്‍ എത്തിയിരുന്നത്.
