വെര്‍ജീനീയ: അമേരിക്കന്‍ പ്രസിഡണ്ട് ഡൊണാള്‍ഡ് ട്രംപിന്റെ നയങ്ങളില്‍ പ്രതിഷേധിച്ച് അദ്ദേഹത്തിന് നേരെ നടുവിരല്‍ ഉയര്‍ത്തിക്കാട്ടിയ ജൂലി ബ്രിസ്ക്മാന് വെര്‍ജീനിയയിലെ തെരഞ്ഞെടുപ്പില്‍ വിജയം. 2017ല്‍ ട്രംപിനെയും വഹിച്ചുകൊണ്ടുപോവുന്ന വാഹനത്തിനുനേരെ നടുവിരല്‍ ഉയര്‍ത്തിക്കാട്ടിയാണ് ജൂലി തന്റെ പ്രതിഷേധം അറിയിച്ചത്. വെര്‍ജീനിയയിലെ പ്രാദേശികമായ തിരഞ്ഞെടുപ്പില്‍ ആണ് ജൂലി ബ്രിസ്ക്മാന് വിജയിച്ചിരിക്കുന്നത്.
വെര്‍ജീനിയയില്‍ ലൗഡൗണ്‍ കൗണ്ടി ബോര്‍ഡ് ഓഫ് സൂപ്പര്‍വൈസേഴ്‌സ് സീറ്റിലേക്കാണ് ജൂലി ബ്രിസ്ക്മാന് വിജയിച്ചത്. റിപ്പബ്ലിക്കന്‍ പാര്‍ട്ടി സ്ഥാനാര്‍ത്ഥി സൂസന്നെ വോള്‍പ്പിനെ തോല്‍പ്പിച്ചാണ് ജൂലി തെരഞ്ഞെടുപ്പില്‍ വിജയിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ട്രംപിന് നേരെ നടുവിരല്‍ ഉയര്‍ത്തിയതിന് പിന്നാലെ
ജൂലിക്ക് ജോലി നഷ്ടപ്പെട്ടിരുന്നു. യു.എസ് ഗവണ്‍മെന്റിന്റെ മാര്‍ക്കറ്റിംഗ് അനലിസ്റ്റ് സ്ഥാനത്ത് നിന്നാണ് ജൂലിയെ പുറത്താക്കിയത്.
ജൂലി ബ്രിസ്ക്മാന് ലോവ്‌സ് ഐസ്ലാന്റിലൂടെ സൈക്കിള്‍ ഓടിച്ച് പോവുമ്പോള്‍ ട്രംപിന്റെ വാഹനവ്യൂഹം കാണുകയും അതില്‍ ട്രംപ് ഇരിക്കുന്ന വാഹനത്തിന് നേരെ നടുവിരല്‍ ഉയര്‍ത്തികാണിക്കുകയുമായിരുന്നു. വൈറ്റ്ഹൗസ് ഫോട്ടോഗ്രാഫര്‍ എടുത്ത ആ ഫോട്ടോക്ക് പിന്നീട് വന്‍ പ്രചാരമാണ് ലഭിച്ചത്.
Looking forward to representing my friends & neighbors in #Algonkian District who backed me up today! So proud that we were able to #FlipLoudpun #FlipVA #LOCO219 Thank you Loudoun! https://t.co/vRcDUih1AP
— Juli Briskman (@julibriskman) November 6, 2019
