പൂനെ: ബി.ജെ.പി നേതാവ് എൽ.കെ അദ്വാനിക്ക്‌ ഭാരതരത്ന നൽകാനുള്ള നരേന്ദ്ര മോദി സർക്കാരിന്റെ തീരുമാനത്തെ വിമർശിച്ച് എക്സിൽ പോസ്റ്റിട്ട മാധ്യമ പ്രവർത്തകൻ നിഖിൽ വാഗ്ലേക്കെതിരെ എഫ്.ഐ.ആർ ഫയൽ ചെയ്ത് പൂനെ പൊലീസ്.
ഭാരതീയ ജനതാ പാർട്ടി നേതാവ് സുനിൽ വിശ്രാംബാഗ് നൽകിയ പരാതിയെ തുടർന്നാണ് നടപടി.
കഴിഞ്ഞ ദിവസം നിഖിൽ വാഗ്ലേ സഞ്ചരിച്ച കാറിന് നേരെ ബി.ജെ.പി പ്രവർത്തകർ അക്രമണം നടത്തിയിരുന്നു. നിഖിൽ വാഗ്ലേയും അസീം സരോദും വിശ്വംഭർ ചൗധരിയും സഞ്ചരിച്ച കാറിന് നേരെ ബി.ജെ.പി പ്രവർത്തകർ മഷി എറിഞ്ഞതായാണ് ഡെ ക്കാൻ പൊലീസ് പറഞ്ഞത്.
ഇതിനെ തുടർന്ന് പ്രതിപക്ഷ പാർട്ടികൾ മഹാരാഷ്ട്ര സർക്കാരിനെതിരെ പ്രതിഷേധിച്ചു. വെള്ളിയാഴ്ച വൈകുന്നേരം പൂനെയിലെ ഖണ്ഡോജി ബാബ ചൗക്കിൽ വെച്ചാണ് മുതിർന്ന മാധ്യമ പ്രവർത്തകൻ നിഖിൽ വാഗ്ലെ സഞ്ചരിച്ചിരുന്ന കാർ ഭാരതീയ ജനതാ പാർട്ടി പ്രവർത്തകർ ആക്രമിച്ചത്.
ഇന്ത്യയുടെ പരമോന്നത സിവിലിയൻ ബഹുമതിയായ ഭാരതരത്ന പുരസ്‌കാരം എൽ.കെ.അദ്വാനി നേടിയതിന് പിന്നാലെ പ്രധാനമന്ത്രിക്കും അദ്വാനിക്കെതിരെയും നിഖിൽ വാഗ്ലെ നടത്തിയ പരാമർശങ്ങൾ ബി.ജെ.പിയെ ചൊടിപ്പിച്ചിരുന്നു. ഇതിനെതിരെ പ്രവർത്തകർ പ്രതിഷേധിച്ചിരുന്നു.
പൊലീസ് സംരക്ഷണത്തിൽ സഞ്ചരിച്ച കാറിന് നേരെയാണ് അക്രമണം ഉണ്ടായത്. സിംഘാഡ് റോഡിൽ രാഷ്ട്ര സേവാദൾ സംഘടിപ്പിച്ച നിർഭയ് ബാനോ പരിപാടിയിൽ പങ്കെടുക്കാൻ എത്തിയതായിരുന്നു നിഖിൽ വാഗ്ലെയും സംഘവും.
സംഭവത്തെ കുറിച്ച് പ്രതികരിച്ച ശിവസേന( ഉദ്ധവ് ബാലാസാഹേബ് താക്കർ) എം. പി സഞ്ജയ്‌ റാവത്ത്, നിരവധി മഹാ വികാസ് അഘാഡി വനിതാ പ്രവർത്തകരെ ബി.ജെ.പി ഗുണ്ടകൾ മർദിക്കുകയും മുട്ടയും കല്ലും ഇഷ്ടികയും എറിഞ്ഞതായും ആരോപിച്ചു. പൂനെ പൊലീസ് കാഴ്ച്ചക്കാരായി നിൽക്കുകയായിരുന്നുവെന്നും കൂട്ടിച്ചേർത്തു.
Several MVA women karyakartas beaten up by BJP goons, eggs, stones, bricks hurled at them, Pune police remain spectators,
senior journalist Nikhil Wagle’s car smashed, ink, eggs thrown at his car..Brazen Bid to murder democracy by BJP in Pune…MVA will not be deterred, Shame on… https://t.co/7HlLGL7IPJ
‘മുതിർന്ന മാധ്യമ പ്രവർത്തകൻ നിഖിൽ വാഗ്ലെയുടെ കാർ അടിച്ചു തകർത്തു, മഷിയും മുട്ടയും എറിഞ്ഞു. മഹാരാഷ്ട്രയിലെ നിർഭാഗ്യരായ പെണ്മക്കളെ മുറിവേൽപ്പിച്ചു. മഹാരാഷ്ട്ര നിങ്ങളോട് ക്ഷമിക്കില്ല,’ സഞ്ജയ്‌ റാവത്ത് എക്സിൽ കുറിച്ചു.
നിഖിൽ വാഗ്ലേക്കെതിരായ ആക്രമണത്തെ ശക്തമായി അപലപിക്കുന്നതായി എൻ. സി.പിയിലെ ശരദ് പവാർ വിഭാഗത്തിലെ സുപ്രിയ സുലെ പറഞ്ഞു.
ज्येष्ठ पत्रकार निखिल वागळे (@waglenikhil) यांच्या गाडीवर भाजपाच्या कार्यकर्त्यांनी भ्याड हल्ला करीत दगडफेक केली. या संतापजनक घटनेत रस्त्यावरुन जाणाऱ्या काही मुली जखमी झाल्या. हा प्रकार घडत असताना पोलीस केवळ बघ्याची भूमिका घेत होते. याप्रसंगी कारवाई न करण्याचे आदेश पोलीसांना कुणी… pic.twitter.com/eVlPYN41wt
