സമയമായിട്ടില്ല; തിയേറ്ററില്‍ മുഴുവന്‍ സീറ്റിലും ആളുകളെ അനുവദിക്കില്ലെന്ന് സര്‍ക്കാര്‍
എന്റര്‍ടെയിന്‍മെന്റ് ഡെസ്‌ക്
Saturday, 20th November 2021, 5:52 pm
തിരുവനന്തപുരം: സംസ്ഥാനത്തെ തിയേറ്ററുകളില്‍ മുഴുവന്‍ സീറ്റുകളിലും കാഴ്ചക്കാരെ അനുവദിക്കില്ലെന്ന് സര്‍ക്കാര്‍. കൊവിഡ് അവലോകനയോഗത്തിന് ശേഷമാണ് തീരുമാനം.
നിലവില്‍ 50 ശതമാനം സീറ്റുകളില്‍ മാത്രമാണ് തിയേറ്ററില്‍ ആളുകളെ അനുവദിക്കുന്നത്. തല്‍സ്ഥിതി തുടരാനാണ് തീരുമാനം.
കൊവിഡ് വ്യാപനത്തിന്റെ പൊതുസ്ഥിതി വിലയിരുത്തിയാണ് കൂടുതല്‍ ഇളവുകള്‍ നല്‍കേണ്ടതില്ല എന്ന തീരുമാനത്തിലെത്തിയത്.
എല്ലാ സീറ്റിലും ആളുകളെ അനുവദിക്കണമെന്നായിരുന്നു തിയേറ്ററുടമകളുടേയും സിനിമാ മേഖലയിലുള്ളവരുടേയും ആവശ്യം. എന്നാല്‍ ഇത് അനുവദിക്കേണ്ട സാഹചര്യമില്ലെന്നാണ് സര്‍ക്കാര്‍ വിലയിരുത്തല്‍.
