മാപ്പ് പറഞ്ഞ് കയ്യടി നേടുന്നു, പൃഥ്വിരാജ് ചിത്രത്തിന്റേത് പബ്ലിസിറ്റി സ്റ്റണ്ട്: അഞ്ജന ജോര്‍ജ്
എന്റര്‍ടെയിന്‍മെന്റ് ഡെസ്‌ക്
Tuesday, 21st March 2023, 10:10 pm
റിലീസ് ദിനത്തില്‍ തന്നെ വിവാദമായ ചിത്രമാണ് പൃഥ്വിരാജ് നായകനായ കടുവ. ഭിന്നശേഷിക്കാരായ കുട്ടികളെ അധിക്ഷേപിച്ചുള്ള ഡയലോഗിന്റെ പേരില്‍ ചിത്രത്തിനെതിരെ വലിയ വിമര്‍ശനമാണ് ഉണ്ടായത്. വിമര്‍ശനങ്ങള്‍ രൂക്ഷമായതിനെ തുടര്‍ന്ന് പൃഥ്വിരാജുള്‍പ്പെടെയുള്ള അണിയറ പ്രവര്‍ത്തകര്‍ മാപ്പ് പറഞ്ഞ് രംഗത്തെത്തിയിരുന്നു.
എന്നാല്‍ കടുവയുമായി ബന്ധപ്പെട്ട സംഭവങ്ങള്‍ പബ്ലിസിറ്റി സ്റ്റണ്ടായിട്ടാണ് തനിക്ക് തോന്നിയതെന്ന് പറയുകയാണ് സിനിമാ നിരൂപകയും മാധ്യമപ്രവര്‍ത്തകയുമായി അഞ്ജന ജോര്‍ജ്. നായക നടന്മാര്‍ തന്നെ തെറ്റായ പ്രസ്താവനകള്‍ നടത്തിയതിന് ശേഷം മാപ്പ് പറഞ്ഞ് വലിയ ആളാവുകയാണെന്നും കടുവ അതിന്റെ ഏറ്റവും സിമ്പിളായ ഉദാഹരണമാണെന്നും അഞ്ജന പറഞ്ഞു. ആലപ്പുഴ ഫിലിം ഫെസ്റ്റിവലില്‍ വെച്ചായിരുന്നു അഞ്ജനയുടെ പരാമര്‍ശങ്ങള്‍.
