ഓണ്‍ലൈന്‍ റിലീസ്; നിര്‍മ്മാതാക്കളും തിയറ്റര്‍ ഉടമകളും തമ്മില്‍ ചര്‍ച്ച ഇന്ന്
എന്റര്‍ടെയിന്‍മെന്റ് ഡെസ്‌ക്
Wednesday, 27th May 2020, 8:22 am
കൊച്ചി: സിനിമകളുടെ ഓണ്‍ലൈന്‍ റിലീസുമായി ബന്ധപ്പെട്ട തര്‍ക്കങ്ങള്‍ പരിഹരിക്കാന്‍ നിര്‍മ്മാതാക്കളും തിയറ്റര്‍ ഉടമകളും തമ്മിലുള്ള ചര്‍ച്ച ഇന്ന്. കൊച്ചിയില്‍ 11 മണിക്കാണ് ഫിലിം ചേംബറിന്റെ ആഭിമുഖ്യത്തില്‍ യോഗം ചേരുന്നത്.
വിതരണക്കാരുടെ പ്രതിനിധികളും യോഗത്തില്‍ പങ്കെടുക്കുമെന്നാണ് വിവരം. ഓണ്‍ലൈന്‍ റിലീസ്, തിയറ്റര്‍ കുടിശ്ശിക തുടങ്ങിയ കാര്യങ്ങള്‍ ഇന്നത്തെ യോഗം ചര്‍ച്ച ചെയ്യും.
സൂഫിയും സുജാതയും എന്ന വിജയ് ബാബു നിര്‍മ്മിച്ച ചിത്രം ഒ.ടി.ടി റിലീസിന് തീരുമാനിച്ചതോടെയാണ് വിവാദങ്ങള്‍ രൂക്ഷമായത്. ഓണ്‍ലൈന്‍ റിലീസിന് ശ്രമിക്കുന്നവരുമായി പിന്നീട് സഹകരിക്കില്ലെന്ന് തിയറ്റര്‍ ഉടമകള്‍ നേരത്തെ അറിയിച്ചിരുന്നു.
