ഖത്തര്‍ ലോകകപ്പ്; ഔദ്യോഗിക ലോഗോ പുറത്തിറക്കി (വീഡിയോ)
സ്പോര്‍ട്സ് ഡെസ്‌ക്
Tuesday, 3rd September 2019, 11:58 pm
2022 ഖത്തര്‍ ലോകകപ്പിന്റെ ഔദ്യോഗിക ലോഗോ പുറത്തിറക്കി. ഫിഫയുടെ ഔദ്യോഗിക വെബ്‌സൈറ്റില്‍ ലോഗോ റിലീസ് നടക്കുമ്പോള്‍ ഇന്റര്‍നാഷണല്‍ ഡിജിറ്റല്‍ ക്യാമ്പയിന്റെ ഭാഗമായി ഖത്തറിന്റെ പ്രധാന കെട്ടിടങ്ങള്‍ക്ക് മുകളിലും 23 ലോകരാജ്യങ്ങളിലും ഒരേ സമയം ലോഗോ അനാവരണം ചെയ്യപ്പെട്ടു.
ഖത്തര്‍ സമയം രാത്രി 08.22 ന് ദോഹ കോര്‍ണീഷില്‍ സ്ഥിതി ചെയ്യുന്ന ഖത്തറിന്റെ അഭിമാനസ്തംഭങ്ങളായ കൂറ്റന്‍ ടവറുകള്‍ക്ക് മുകളിലും, കത്താറ ആംഫി തീയറ്റര്‍, സൂഖ് വാഖിഫ്, ,ഷെറാട്ടണ്‍ ഹോട്ടല്‍, ടോര്‍ച്ച് ടവര്‍ ദോഹ, ദോഹ ടവര്‍, സുബാറ ഫോര്‍ട്ട്, ആഭ്യന്തര മന്ത്രാലയം തുടങ്ങിയ പ്രധാന കെട്ടിടങ്ങളിലും ലോഗോ പ്രദര്‍ശിപ്പിച്ചു. മനോഹരമായ ലേസര്‍ വെളിച്ചത്തിലായിരിക്കും പ്രദര്‍ശനം.
