ഞാൻ ഒരു കോച്ചല്ലേടെ, ഒന്ന് ബഹുമാനിച്ചൂടെ? പ്ലെയേഴ്സ് പി.എസ്.ജി പരിശീലകനെ ബഹുമാനിക്കുന്നില്ലെന്ന് റിപ്പോർട്ട്
സ്പോര്‍ട്സ് ഡെസ്‌ക്
Sunday, 12th March 2023, 6:07 pm
ചാമ്പ്യൻസ് ലീഗിൽ ബയേണിനെതിരെ തോറ്റ് പുറത്തായതോടെ പി.എസ്.ജി പരിശീലകൻ ക്രിസ്റ്റഫെ ഗാൾട്ടിയറുടെ ക്ലബ്ബിലെ ഭാവി സുരക്ഷിതമല്ല എന്ന റിപ്പോർട്ടുകൾ പുറത്ത് വരുന്നുണ്ട്.
തങ്ങളുടെ ആദ്യ ചാമ്പ്യൻസ് ലീഗ് കിരീടം ഇത്തവണ എന്ത്‌ വില കൊടുത്തും സ്വന്തമാക്കണം എന്ന ഉദ്ദേശത്തിൽ ക്ലബ്ബിലേക്ക് വലിയ നിക്ഷേപം നടത്തിയ മാനേജ്മെന്റിനെ ഞെട്ടിച്ചുകൊണ്ടാണ് പാരിസ് ക്ലബ്ബ്‌ ചാമ്പ്യൻസ് ലീഗിൽ നിന്നും പുറത്തായത്.
ഇതോടെയാണ് പി.എസ്.ജിയിലേക്ക് പുതിയ പരിശീലകനെത്തുന്നത് എന്ന അഭ്യൂഹങ്ങൾ ഫുട്ബോൾ ലോകത്തടക്കം പ്രചരിക്കുന്നത്.
എന്നാലിപ്പോൾ ചില പി.എസ്.ജി താരങ്ങൾക്ക് പരിശീലകൻ ക്രിസ്റ്റഫെ ഗാൾട്ടിയറോട് തീരെ ബഹുമാനമില്ലെന്നും പരിശീലകനെ ഇരട്ടപ്പേര് വിളിക്കുന്നതിലേക്ക് വരെ ചില താരങ്ങൾ എത്തിയിട്ടുണ്ടെന്നുമാണ് പുറത്ത് വരുന്ന റിപ്പോർട്ടുകൾ.
