മുംബൈ: ജിമ്മില്‍ പോയി വരുന്ന വഴി ഒരാള്‍ തന്നെ ആക്രമിക്കാന്‍ ശ്രമിച്ച അനുഭവം തുറന്ന് പറഞ്ഞ് ബോളിവുഡ് നടി ഫാത്തിമ സന ഷെയ്ഖ്. തന്നോട് മോശമായി പെരുമാറിയ ആളെ തനിക്ക് അടിക്കേണ്ടി വന്നുവെന്നും തുടര്‍ന്ന് അയാള്‍ വീണ്ടും അക്രമിച്ചുവെന്നും മാധ്യമങ്ങളോട് ഫാത്തിമ സന പറഞ്ഞു.
‘ജിമ്മില്‍ നിന്ന് മടങ്ങിവരുമ്പോഴാണ് ഒരാള്‍ എന്നെ തുറിച്ച് നോക്കുന്നത് കാണുന്നത്. എന്താണ് നോക്കുന്നതെന്ന് ഞാന്‍ ചോദിച്ചപ്പോള്‍ അത് അയാളുടെ താല്‍പര്യമാണെന്ന് മറുപടി പറഞ്ഞു. അങ്ങനെയെങ്കില്‍ അടി കിട്ടുമെന്ന് ഞാന്‍ പറഞ്ഞപ്പോള്‍ അടിയ്ക്കാന്‍ അയാള്‍ പറഞ്ഞു. ഞാന്‍ അയാളെ അടിക്കുകയും ചെയ്തു. പെട്ടെന്ന് അയാള്‍ എന്നെ ഇടിച്ചു. കുറച്ച് നേരത്തേക്ക് എന്റെ കണ്ണിലാകെ ഇരുട്ട് കയറി.
ഞാന്‍ എന്റെ അച്ഛനെ വിളിച്ച് സംഭവം പറഞ്ഞപ്പോള്‍ അച്ഛന്‍ കുറച്ച് പേരെ വിളിച്ച് സംഭവസ്ഥലത്തെത്തുകയായിരുന്നു,’ ഫാത്തിമ പറഞ്ഞു.
തന്റെ അച്ഛന്‍ തനിക്ക് വലിയ പിന്തുണ നല്‍കുന്ന ആളാണെന്നും നടി പറഞ്ഞു. മുന്‍പ് താന്‍ പ്രണയിച്ചിരുന്ന വ്യക്തിയില്‍ നിന്നും തനിക്ക് സ്വാതന്ത്യം ലഭിച്ചിരുന്നില്ലെന്നും ഏറെ ബുദ്ധിമുട്ട് അനുഭവിച്ച ഒരു ബന്ധമായിരുന്നു അതെന്നും ഫാത്തിമ പറയുന്നു.
ഒരുപാട് സ്ത്രീകള്‍ ഇത്തരം സാഹചര്യങ്ങളിലൂടെയാണ് കടന്നുപോയിക്കൊണ്ടിരിക്കുന്നതെന്നും പ്രത്യേകിച്ച് ജോലി ചെയ്യാനാവാതെ ഭര്‍ത്താവിനെ ആശ്രയിച്ചുകൊണ്ട് ജീവിക്കുന്നവര്‍ക്കാണ് ഏറെ പ്രശ്‌നങ്ങളെന്നും ഫാത്തിമ പറഞ്ഞു.
ഈയടുത്തായി സമൂഹമാധ്യമങ്ങളില്‍ നിന്നും വിട്ടു നില്‍ക്കാനും നടി തീരുമാനിച്ചിരുന്നു. നിലവില്‍ അനില്‍ കപൂറുമൊത്തുള്ള സിനിമയുടെ തിരക്കുകളിലാണ് ഫാത്തിമയുള്ളത്.
അനുരാഗ് ബസുവിന്റെ ലൂഡോ, മനോജ് വാജ്പേയിക്കൊപ്പമുള്ള സൂരജ് പേ മംഗള്‍ ഭാരി,അജീബ് ദസ്താന്ർസ് തുടങ്ങിയവയാണ് സനയുടേതായി പുറത്തിറങ്ങിയ ചിത്രങ്ങള്‍.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Fatima Sana Shaikh recalls horrific incident
