യു.പിയില്‍ ജനിക്കുന്നത് ആണ്‍കുട്ടിയാണോ എന്നറിയാന്‍ പൂര്‍ണ്ണഗര്‍ഭിണിയായ ഭാര്യയുടെ വയര്‍ കത്തിയുപയോഗിച്ച് കീറി
ഡൂള്‍ന്യൂസ് ഡെസ്‌ക്
Sunday, 20th September 2020, 1:10 pm
ബദൗണ്‍: ഉത്തര്‍പ്രദേശിലെ ബദൗണ്‍ ജില്ലയില്‍ പൂര്‍ണ്ണഗര്‍ഭിണിയായ യുവതിയുടെ വയര്‍ കത്തിയുപയോഗിച്ച് കീറിയതായി റിപ്പോര്‍ട്ട്. ജനിക്കാനിരിക്കുന്നത് ആണ്‍കുട്ടിയാണോ എന്നറിയാന്‍ യുവതിയുടെ ഭര്‍ത്താവ് തന്നെയാണ് ഇത് ചെയ്‌തെന്ന് പൊലീസ് പറഞ്ഞു.
35 കാരിയായ യുവതിയാണ് ഈ ക്രൂരകൃത്യത്തിന് ഇരയായത്. നേക്പൂര്‍ സ്വദേശിയായ പന്നലാലിന്റെ ഭാര്യയ്ക്കാണ് ഭര്‍ത്താവില്‍ നിന്ന് ക്രൂരപീഡനമേല്‍ക്കേണ്ടിവന്നത്.
ഭാര്യ ഇനി പ്രസവിക്കുന്നത് ആണ്‍കുട്ടിയാണോ പെണ്‍കുട്ടിയാണോ എന്നറിയാനാണ് ഇയാള്‍ മൂര്‍ച്ചയേറിയ കത്തിയുപയോഗിച്ച് ഭാര്യയുടെ വയര്‍ കീറിയത്.
