തീവ്രവാദത്തിനെതിരെ നടപടി എടുത്തില്ലെങ്കില്‍ 2020 ഓടെ പാക്കിസ്ഥാന് കരിമ്പട്ടികയില്‍ ഉള്‍പ്പെടും;കടുത്ത നടപടിക്കൊരുങ്ങി ഫൈനാന്‍ഷ്യല്‍ ആക്ഷന്‍ ടാസ്‌ക് ഫോഴ്‌സ്
ഡൂള്‍ന്യൂസ് ഡെസ്‌ക്
Friday, 18th October 2019, 9:56 pm
ന്യൂദല്‍ഹി: തീവ്രവാദത്തിനെതിരെ നടപടിയെടുത്തില്ലെങ്കില്‍ പാക്കിസ്ഥാനെ കരിമ്പട്ടികയില്‍ ഉള്‍പ്പെടുത്തുമെന്ന മുന്നറിയിപ്പ് നല്‍കി ഫൈനാന്‍ഷ്യല്‍ ആക്ഷന്‍ ടാസ്‌ക് ഫോഴ്‌സ്(എഫ്.എ.ടി.എഫ് ). 2020 ഫെബ്രുവരി വരെയാണ് തീവ്രവാദത്തിനെതിരെ നടപടിയെടുക്കാന്‍ പാക്കിസ്ഥാന് എഫ്.എ.ടി.എഫ് നല്‍കിയിരിക്കുന്ന സമയം. അനുവദിച്ച സമയത്തിനുള്ളില്‍ നടപടിയെടുത്തില്ലെങ്കില്‍ കടുത്ത നടപടി ഉണ്ടാകുമെന്ന സൂചന എഫ്.എ.ടി.എഫ് പാക്കിസ്ഥാന് നല്‍കിക്കഴിഞ്ഞു.
ഭീകരവാദത്തെ തുടച്ചുനീക്കാനായി മുന്നോട്ടുവെച്ച കര്‍മപദ്ധതിയിലെ 27 മാര്‍ഗനിര്‍ദേശങ്ങളില്‍ 22 എണ്ണം നടപ്പാക്കുന്നതിലും പാക്കിസ്ഥാന് പരാജയപ്പെട്ടതായി എഫ്.എ.ടി.എഫ് നിരീക്ഷിച്ചു.നിലവില്‍ പാക്കിസ്ഥാനെ ഗ്രേ ലിസ്റ്റിലാണ് ഉള്‍പ്പെടുത്തിയിരിക്കുന്നത്. അത് തുടരും.
