കര്‍ഷകരുടെ ക്യാംപിന് സമീപം പൊലീസ് സന്നാഹം; ആ രണ്ട് ആവശ്യങ്ങള്‍ക്ക് ബദലില്ലെന്ന് കര്‍ഷകര്‍; അംഗീകരിക്കും വരെ പ്രതിഷേധം
ഡൂള്‍ന്യൂസ് ഡെസ്‌ക്
Friday, 1st January 2021, 3:42 pm
ന്യൂദല്‍ഹി: എന്തൊക്കെ സംഭവിച്ചാലും കേന്ദ്രത്തിന് മുന്നില്‍വെച്ച നിര്‍ദ്ദേശങ്ങള്‍ അംഗീകരിക്കാതെ സമരത്തില്‍ നിന്ന് പിന്നോട്ടുപോകില്ലെന്ന് കര്‍ഷകര്‍. കടുത്ത തണുപ്പിനെയും അവഗണിച്ച് കര്‍ഷകര്‍ പ്രതിഷേധം തുടരുകയാണ്. സിംഗു, ഗാസിപ്പൂര്‍ അതിര്‍ത്തികളില്‍ വലിയ രീതിയില്‍ പൊലീസിനെ വിന്യസിച്ചിട്ടുണ്ട്.
മൂന്ന് കാര്‍ഷിക നിയമങ്ങള്‍ റദ്ദാക്കുക, മിനിമം താങ്ങുവിലയ്ക്ക് നിയമപരമായ ഗ്യാരണ്ടി നല്‍കുക എന്നീ അവശേഷിക്കുന്ന രണ്ട് ആവശ്യങ്ങള്‍ അംഗീകരിക്കണമെന്നും അതിന് മറ്റു ബദല്‍ മാര്‍ഗങ്ങളൊന്നും തന്നെ ഇല്ലെന്നും മുതിര്‍ന്ന കര്‍ഷക നേതാവ് ഗുര്‍ണം സിംഗ് ചൗധിനി പറഞ്ഞു.
