'പുതിയ കാര്‍ഷിക നിയമത്തിന് സുപ്രധാന ചുവടുവെപ്പ് നടത്താന്‍ സാധിക്കും'; പക്ഷേ, പ്രതികൂലമായി ബാധിക്കാനിടയുള്ളവര്‍ക്ക് സാമൂഹ്യ സുരക്ഷനല്‍കണമെന്ന് ഐ.എം.എഫ്
ഡൂള്‍ന്യൂസ് ഡെസ്‌ക്
Friday, 15th January 2021, 12:26 pm
ന്യൂദല്‍ഹി: ഇന്ത്യയുടെ പുതിയ കാര്‍ഷിക നിയമങ്ങള്‍ക്ക് കാര്‍ഷിക മേഖലയിലെ പരിഷ്‌കാരങ്ങള്‍ക്കായി സുപ്രധാനമായ ചുവടുവെപ്പ് നടത്താന്‍ സാധിക്കുമെന്ന് ഐ.എം.എഫ്. എന്നാല്‍, പുതിയ സംവിധാനത്തിലേക്ക് മാറുമ്പോള്‍ ആ മാറ്റം പ്രതികൂലമായി ബാധിക്കാന്‍ പോകുന്ന ആളുകള്‍ക്ക് വേണ്ടത്ര സംരക്ഷിണം നല്‍കണമെന്നും ഐ.എം.എഫ് പറഞ്ഞു.
കര്‍ഷകര്‍ക്ക് വില്‍പ്പനക്കാരുമായി നേരിട്ട് കരാറുണ്ടാക്കാനും ഇടനിലക്കാരുടെ പങ്ക് കുറച്ചുകൊണ്ട് മിച്ചത്തിന്റെ വലിയൊരു പങ്ക് നിലനിര്‍ത്താനും കാര്യക്ഷമത വര്‍ദ്ധിപ്പിക്കാനും ഗ്രാമീണ വളര്‍ച്ചയെ സഹായിക്കാനും ഈ നടപടികള്‍ സഹായിക്കുമെന്നാണ് ഐ.എം.എഫ് കമ്മ്യൂണിക്കേഷന്‍സ് ഡയറക്ടര്‍ ജെറി റൈസ് വ്യാഴാഴ്ച വാഷിംഗ്ടണില്‍ മാധ്യമപ്രവര്‍ത്തകരോട് പറഞ്ഞത്.
