അള്‍ട്ടിമേറ്റ് ഫാന്റസി വേള്‍ഡുമായി കിച്ച സുദീപ്; വിക്രാന്ത് റോണ ട്രെയ്‌ലര്‍
എന്റര്‍ടെയിന്‍മെന്റ് ഡെസ്‌ക്
Thursday, 23rd June 2022, 6:54 pm
കിച്ച സുദീപ് നായകനാവുന്ന ഫാന്റസി ആക്ഷന്‍ ചിത്രം വിക്രാന്ത് റോണയുടെ ട്രെയ്‌ലര്‍ പുറത്ത്. നിഗൂഡമായ ഒരു ഗ്രാമവും അവിടേക്ക് എത്തുന്ന നായകനേയുമാണ് ട്രെയ്‌ലറില്‍ കാണിക്കുന്നത്. ഒരേസമയം ത്രില്ലടിപ്പിക്കുന്നതും ഭയപ്പെടുത്തുന്നതുമായ നിമിഷങ്ങളിലൂടെയാണ് ട്രെയ്‌ലര്‍ കടന്നു പോകുന്നത്.
ചിത്രത്തിലെ റാ റാ റാക്കമ്മ എന്ന ഗാനം നേരത്തെ യൂട്യൂബില്‍ റീലീസ് ചെയ്തിരുന്നു. വമ്പന്‍ ബഡ്ജറ്റില്‍ ഒരുങ്ങുന്ന വിക്രാന്ത് റോണ ജൂലൈ 28നാണ് റിലീസ് ചെയ്യുന്നത്. കന്നഡയില്‍ ഒരുങ്ങുന്ന ചിത്രം മലയാളം, ഹിന്ദി, തമിഴ്, തെലുങ്ക്, ഇംഗ്ലീഷ് ഭാഷകളില്‍ മൊഴി മാറ്റി എത്തും.
