എന്തോന്നെടേയ് കാണിച്ചുവെച്ചേക്കുന്നത്? 🤣🤣 ബ്രോഡിന് ഹാട്രിക് കൊടുക്കാതിരിക്കാനുള്ള സ്മിത്തിന്റെ പരിശ്രമത്തെ ട്രോളിക്കൊന്ന് സോഷ്യല്‍ മീഡിയ
സ്പോര്‍ട്സ് ഡെസ്‌ക്
Sunday, 18th June 2023, 12:50 pm
ആഷസ് പരമ്പരയിലെ എഡ്ജ്ബാസ്റ്റണ്‍ ടെസ്റ്റിലെ രണ്ടാം ദിവസത്തെ താരം സ്റ്റുവര്‍ട്ട് ബ്രോഡായിരുന്നു. ആദ്യ സെഷനില്‍ തന്നെ അടുത്തടുത്ത പന്തുകളില്‍ വാര്‍ണറിനെയും ലബുഷാനെയും പുറത്താക്കിയാണ് ബ്രോഡ് ഇംഗ്ലണ്ടിന് ആവശ്യമായ ബ്രേക് ത്രൂ നല്‍കിയത്.
ഓസീസ് സ്‌കോര്‍ 29ല്‍ നില്‍ക്കവെയായിരുന്നു വാര്‍ണര്‍ പുറത്താകുന്നത്. 11ാം ഓവറിലെ ആദ്യ പന്തില്‍ ക്ലീന്‍ ബൗള്‍ഡായിട്ടായിരുന്നു വാര്‍ണര്‍ പുറത്തായത്. വണ്‍ ഡൗണായെത്തിയത് സൂപ്പര്‍ താരം മാര്‍നസ് ലബുഷാനായിരുന്നു. നേരിട്ട ആദ്യ പന്തില്‍ തന്നെ ഗോള്‍ഡന്‍ ഡക്കായാണ് ലബുഷാന്‍ പുറത്തായത്.
ബ്രോഡിന്റെ പന്തില്‍ ഷോട്ടിനുള്ള ശ്രമത്തിലായിരുന്നു ലബുഷാന്റെ മടക്കം. വിക്കറ്റിന് പിന്നില്‍ ജോണി ബെയര്‍സ്‌റ്റോയുടെ തകര്‍പ്പന്‍ ക്യാച്ചില്‍ ലബുഷാന്‍ തിരികെ പവലിയനിലേക്ക് നടക്കുമ്പോള്‍ എഡ്ജ്ബാസ്റ്റണ്‍ ഒന്നാകെ ആവേശത്തിലായിരുന്നു.
