ഇന്ത്യന്‍ ക്രിക്കറ്റിനെ നശിപ്പിച്ചവന്‍, ഇയാളിപ്പോ എന്ത് ചെയ്തിട്ടാ? പുരസ്‌കാര നേട്ടത്തിന് പിന്നാലെ പിന്നാലെ ജയ് ഷാക്കെതിരെ വിമര്‍ശനം
സ്പോര്ട്സ് ഡെസ്‌ക്
Tuesday, 5th December 2023, 12:42 pm
കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രിയുടെ (സി.ഐ.ഐ) 2023ലെ സ്പോര്ട്സ് ബിസിനസ് ലീഡര്‍ ഓഫ് ദി അവാര്‍ഡ് ലഭിച്ചതിന് പിന്നാലെ ബി.സി.സി.ഐ സെക്രട്ടറി ജയ് ഷാക്കെതിരെ വിമര്‍ശനം ശക്തം.
പുരസ്‌കാരം നേടിയ ജയ് ഷാക്ക് അഭിനന്ദമറിയിച്ചുകൊണ്ടുള്ള ബി.സി.സി.ഐയുടെ പോസ്റ്റിന് പിന്നാലെ ആരാധകര്‍ വിമര്‍ശനമറിയിക്കുകയാണ്.
‘സി.ഐ.ഐ സ്പോര്ട്സ് ബിസിനസ് അവാര്‍ഡിലെ സ്പോര്ട്സ് ബിസിനസ് ലീഡര്‍ ഓഫ് ദി ഇയര്‍ പുരസ്‌കാരം ലഭിച്ച ബി.സി.സി.ഐ സെക്രട്ടറി ജയ് ഷാക്ക് അഭിനന്ദനങ്ങള്‍. ഇന്ത്യന്‍ സ്പോര്ട്സ് അഡ്മിനിസ്‌ട്രേഷനില്‍ ഇത്തരം പുരസ്‌കാരം ലഭിക്കുന്ന ആദ്യ വ്യക്തിയാണ് അദ്ദേഹം. ഈ അംഗീകാരം തീര്‍ച്ചയായും അദ്ദേഹം അര്‍ഹിക്കുന്നു,’ എന്നാണ് ബി.സി.സി.ഐ തങ്ങളുടെ അഭിനന്ദന പോസ്റ്റില്‍ കുറിച്ചത്.
