ഐ.പി.എല്‍ 2023ലെ 70ാം മത്സരത്തില്‍ ഗുജറാത്ത് ടൈറ്റന്‍സിനോട് പരാജയപ്പെട്ട് റോയല്‍ ചലഞ്ചേഴ്‌സ് ബെംഗളൂരു ടൂര്‍ണമെന്റില്‍ നിന്നും പുറത്തായിരുന്നു. വളരെ ചെറിയ മാര്‍ജിനിലാണെങ്കിലും പ്ലേ ഓഫിലെത്താന്‍ ആര്.സി.ബിക്ക് വിജയം മാത്രം മതിയായിരുന്നു. എന്നാല്‍ റെയ്‌നിങ് ചാമ്പ്യന്‍മാരുടെ കരുത്തില്‍ ആറ് വിക്കറ്റിന് ആര്.സി.ബി പരാജയം സമ്മതിച്ചു.
മത്സരത്തില്‍ ടോസ് നേടിയ ടൈറ്റന്‍സ് എതിരാളികളെ ബാറ്റിങ്ങിനയക്കുകയായിരുന്നു. വിരാട് കോഹ്‌ലിയുടെ സെഞ്ച്വറിയുടെ കരുത്തില്‍ ആര്.സി.ബി മികച്ച സ്‌കോറിലേക്കുയര്‍ന്നിരുന്നു. 61 പന്തില്‍ നിന്നും പുറത്താകാതെ 101 റണ്‍സാണ് വിരാട് നേടിയത്. തുടര്‍ച്ചയായ രണ്ടാം മത്സരത്തിലാണ് വിരാട് സെഞ്ച്വറിയടിക്കുന്നത്.
Back to back centuries for Virat Kohli! 🙌 🤌
Brings up his 7️⃣th IPL Century! There is no competition! G.O.A.T #PlayBold #ನಮ್ಮRCB #IPL2023 #RCBvGT pic.twitter.com/w8xmFqccny
— Royal Challengers Bangalore (@RCBTweets) May 21, 2023
We’ve set a very competitive score thanks to the brilliance of Virat Kohli! 🙌
Enough to get us Kohli-fied? Our bowlers will answer that in just a bit. 👊#PlayBold #ನಮ್ಮRCB #IPL2023 #RCBvGT pic.twitter.com/c4fSh6Fd00
— Royal Challengers Bangalore (@RCBTweets) May 21, 2023
വിരാടിന്റെ സെഞ്ച്വറിക്ക് പിന്നാലെ നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 197 റണ്‍സാണ് ആര്.സി.ബി നേടിയത്. ബെംഗളൂരു നിരയില്‍ പല ബാറ്റര്‍മാരും പരാജയപ്പെട്ടിരുന്നു. എന്നാല്‍ റണ്ണെടുക്കാന്‍ പാടുപെട്ട് പൂജ്യത്തിന് പുറത്തായ ദിനേഷ് കാര്‍ത്തിക്കാണ് ആരാധകരെ ഒന്നടങ്കം നിരാശയിലാഴ്ത്തിയത്.
