ഫ്രഞ്ച് ലീഗ് വണ്ണില്‍ ശനിയാഴ്ച നടന്ന മത്സരത്തില്‍ തകര്‍പ്പന്‍ പ്രകടനമാണ് പി.എസ്.ജി കാഴ്ചവെച്ചത്. അജാസിയോക്കെതിരായ ഏറ്റുമുട്ടലില്‍ എതിരില്ലാത്ത അഞ്ച് ഗോളുകള്‍ക്കായിരുന്നു പാരീസിയന്‍ ക്ലബ്ബിന്റെ ജയം. മത്സരത്തില്‍ മികച്ച പെര്‍ഫോമന്‍സ് പുറത്തെടുക്കാന്‍ കിലിയന്‍ എംബാപ്പെക്ക് സാധിച്ചിരുന്നു.
പി.എസ്.ജിയുടെ ജയത്തിന് ശേഷം താരത്തെ പ്രശംസിച്ച് നിരവധിയാളുകളാണ് രംഗത്തെത്തിയത്. ഇതുവരെ കളിച്ച 51 മത്സരങ്ങളില്‍ നിന്ന് 49 ഗോളുകളാണ് താരത്തിന്റെ അക്കൗണ്ടിലുള്ളത്. ഒരു ഗോള്‍ കൂടി നേടുന്നതോടെ ഈ സീസണിലെ ആകെ ഗോള്‍ നേട്ടം 50 തികയ്ക്കും.
📈 @KMbappe has reached the 25 goal mark in Ligue 1 for the 4th time (after 2018/19, 2020/21 and 2021/22) and becomes the 2nd Frenchman to achieve this performance since the post-war period after Thadée Cisowski ! 🔝#PSGACA pic.twitter.com/UbKN4XhZIt
— Paris Saint-Germain (@PSG_English) May 13, 2023
