പ്രതിരോധനിരയിലെ വിശ്വസ്തനായ സന്ദേശ് ജിംഖാന് ഇന്ന് കളത്തിലിറുമോ എന്നാണ് ആരാധകര്‍ ഒന്നടങ്കം ചോദിക്കുന്നത്. സിബെനെക്കില്‍ നിന്നും തിരിച്ചെത്തിയ താരം ആദ്യമായി ഈ സീസണില്‍ കളിക്കുമോ എന്നാണ് ആരാധകരുടെ സംശയം.
നീണ്ട ഇടവേളയ്ക്ക് ശേഷമാണ് ജിംഖാന് ഐ.എസ്.എല്ലിലേക്ക് മടങ്ങിയെത്തുന്നത്. ക്രോയേഷ്യന്‍ ക്ലബ്ബായ സിബെനിക്കില്‍ നിന്നുമാണ് കരാര്‍ അടിസ്ഥാനത്തില്‍ ജിംഖാന് തന്റെ പഴയ തട്ടകത്തിലേക്കെത്തിയിരിക്കുന്നത്. ഈ സീസണ്‍ മുഴുവന്‍ ഇനി താരം ടീമിനൊപ്പമുണ്ടാകും.
ക്രൊയേഷ്യയില്‍ എത്തിയത് മുതല്‍ അനുഭവിക്കുന്ന കാഫ് ഇഞ്ച്വറിയുടെ ചികിത്സക്കായി ജിംഖാന് കഴിഞ്ഞ മാസം ഇന്ത്യയില്‍ എത്തിയിരുന്നു. ചികിത്സ കഴിഞ്ഞു പൂര്‍ണ ഫിറ്റ്നസ് വീണ്ടെടുത്ത ജിംഖാന് ഐ.എസ്.എല്ലിലൂടെ കളത്തിലേക്ക് തിരികെയെത്തും.
മോഹന്‍ ബഗാന് ജിംഖാന്റെ മടങ്ങി വരവ് വലിയ കരുത്താകുമെന്നുറപ്പാണ്. എ.ടി.കെയ്ക്ക് ആയി 22 മത്സരങ്ങള്‍ ജിങ്കന്‍ കളിച്ചപ്പോള്‍ ആകെ 16 ഗോളുകളെ മോഹന്‍ ബഗാന് വഴങ്ങിയിരുന്നുള്ളൂ.
2020 ല്‍ ബ്ലാസ്റ്റേഴ്‌സില്‍ നിന്ന് റെക്കോര്‍ഡ് തുകക്ക് എ.ടി.കെ മോഹന്‍ ബഗാനിലെത്തിയ താരം കഴിഞ്ഞ വര്‍ഷമാണ് സിബെനിക്കിലേക്ക് തട്ടകം മാറ്റിയത്.
